Entrega un peticion na Filmfonds
Bo por aplica pa un subsidio di e Filmfonds pa varios etapa di produccion, distribucion y actividadnan di pelicula. E areglo ta dividi den e categorianan di pelicula largo, documental, animacion, investigacion y experimento, pelicula cortico, e Pelicula y Serie di Incentivo pa Produccion, distribucion, actividadnan di pelicula y medidanan di sosten pa COVID-19.
Haci peticion
Bo por entrega un peticion na e Filmfonds dor di entrega e formulario di peticion y adhunto via nos sistema di peticion Frame. Bo peticion ta valido ora bo bay di acuerdo cu nos terminonan y condicionnan den e formulario. Lo procesa solamente peticionnan completo. Usa e lista di verificacion prome cu bo manda bo peticion, pa asina bo ta sigur cu esaki ta den e proceso di tratamento.
Pa entrega e peticion digital, drenta den Frame. Si bo no tin datonan di login ainda, bo mester pidi un cuenta nobo prome. Pidi un cuenta nobo aki . Tene na cuenta cu esaki por tuma dos dia di trabou.
Evaluacion
E Filmfonds ta selecta un oferta di pelicula di calidad halto, distintivo y diverso. Esaki ta nifica cu bo aplicacion lo wordo evalua dor di nos na diferente manera. Prome cu tur cos, nos lo controla si bo documentonan ta completo y si bo ta cumpli cu e condicionnan specifico di e areglo pa cua bo a aplica. Despues bo aplicacion lo wordo evalua riba tres aspecto:
- E calidad di bo plan cinematografico.
- Bo registro di servicio. Kico abo y bo team creativo por aporta?
- E contribucion na un clima di pelicula diverso. Te na ki grado bo plan di pelicula ta contribui na un oferta di pelicula diverso y fortalece e industria di pelicula Hulandes?
Ora di evalua e calidad substancial di un plan di pelicula, e Fondo ta wak for di diferente perspectiva.
- Originalidad: te na ki grado bo plan ta distintivo o innovativo denter di e oferta di pelicula existente?
- Urgencia: e nificacion personal o social di bo plan y bo vision y motivacion ta persuasivo?
- Autenticidad: e credibilidad di e arena scoge, e tema y e personahenan describi den e plan di pelicula ta persuasivo y ta evidente con e credibilidad aki (durante e proyecto) ta garantisa?
- Forsa di expresion: e forsa di expresion di e tema, structura, personahenan y liña di historia cu bo a scoge ta persuasivo?
- Calidad cinematografico: te na ki grado e vision di e forma y estilo pretende ta demostra calidad cinematografico persuasivo?
- Vision di publico: pa ken bo ta trahando e pelicula aki? Kico ta bo punto di bista riba e posicion di e pelicula en relacion cu e oferta di pelicula existente y e publico pretende?
- E team creativo: e team creativo ta complementa otro bon den experencia, artesania y composicion? E acercamento ta refleha e perspectiva individual y reconocemento di e firma artistico di e creadornan?
Nos no ta evalua e elementonan aki separadamente como un lista di verificacion, pero semper conhuntamente cu e vision di e plan di pelicula di e persona cu ta crea e scenario, director y/o productor y e plan di trabou completo. E elementonan di e plan di pelicula ta decisivo pa e evaluacion, nan por ta diferente pues pa cada plan di pelicula.
E Filmfonds tin como meta pa tuma un decision denter di aproximadamente 8 siman despues di haya bo peticion, cu excepcion di e periodonan di vacacion di zomer y Pasco. Bo ta wordo informa di e decision por escrito.
Pa obtene mas informacion, consulta www.filmfonds.nl/hoe-het-werkt.