Filmfonds Shorts
Pa ken?
Filmfonds Shorts ta enfoká riba direktornan ku:
- a kaba studia ku direkshon di un pelíkula pa eksámen final na un estudio di hbo rekonosé pa pelíkula; òf
- ta aktivo, di manera demostrabel, komo direktor profeshonal sin estudio profeshonal pa pelíkula (outodidakto) i ku nan a dirigí un òf mas produkshon di pelíkula independiente* òf (partinan di) serinan di drama ku a lansá na Hulanda (den sine òf na televishon) òf ku a keda selekshoná pa un festival di pelíkula (inter)nashonal òf un servisio di transmishon di produkshonnan selekshoná.
Pa kiko?
Filmfonds Shorts ta enfoká riba pelíkulanan kòrtiku original, urgente i outéntiko di direktornan nobo òf eksperensia, kaminda e eksplorashon sinematográfiko ta pará sentral. Ku e areglo, Filmfonds ta stimulá desaroyo di talento: pelíkulanan kòrtiku ta duna kreadornan di pelíkula e espasio pa eksperimentá ku diferente estilo i téknikanan, kual ta pone nan deskubrí i desaroyá nan propio estilo.
Kuantu?
Un máksimo di € 65.000 pa kada proyekto pa e realisashon.
Un máksimo di € 2.500 pa un coach di produkshon a base di un motivashon kla den e plan di pelíkula, inkluyendo CV, lista di pelíkula i splikashon di e coach di produkshon konserní.
Na momentu di otorgá e petishon, e Fondo lo duna un kontribushon adishonal di € 1.300 pa un konsultante ekológiko i € 1.600 pa un gerente ekológiko, ku por konsehá e tim tokante desaroyo i ehekushon di e strategia di sostenibilidat.
Solamente proyektonan ku wòrdu finalisá ku e kontribushon di e fondo denter di 12 luna despues di e dekreto, ta bini na remarke.
Kon i ki ora por hasi petishon?
Por hasi petishon riba e dia di e fecha final te ku 17:00 (CET) òf 12:00 (GMT -4) via e sistema di petishon Frame via di e wèpsait di Filmfonds. Si bo no tin datonan pa inisiá seshon ainda, hasi un petishon pa un kuenta nobo promé. Pidi un kuenta nobo aki. Tene kuenta ku esaki por dura dos dia di trabou. (E fecha final pa 2025 ta pendiente)
Aki bo ta haña mas informashon tokante entrega di un petishon na Filmfonds.
Ta bon pa sa
- Tantu direktornan nobo komo direktornan eksperensiá ta hasi petishon ku un produktor.
- Un komishon ta sòru pa e evaluashon di e kontenido i selekshon di e petishonnan i konseho tokante di esakinan. Ku kada ròndu e komishon ta hasi un evaluashon integral, tambe di e plannan relashoná ku otro.
- E ofisina di supsidio i ofisina di produkshon (guianan di proyekto i administrador di produkshon) ta evaluá e aspektonan di produkshon i komersial di e aplikashonnan selekshoná pa e komishon riba base supstansial.
- Ta evaluá e petishonnan den forma integral pa por yega na un selekshon final. Ta tene kuenta ku e faktibilidat direkto.
- A base di artíkulo 3 di e Algemeen Reglement e direktor/dirigente ta disidí tokante e petishon.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Filmfonds. E informashon akí ta disponibel na hulandes.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.
