Supsidio pa produkshon

Pa ken?

E Supsidio di Produkshon ta dirigí riba organisashonnan ku ta enfoká prinsipalmente riba desaroyo, ehekushon òf reanudashon di presentashon profeshonal, konsiertonan òf kompetensianan. E organisashon a krea por lo ménos dos produkshon profeshonal òf e kreadornan ta aktivo pa por lo ménos dos aña komo artistanan profeshonal di riba tarima.  

Pa kiko?

E supsidio tin komo meta pa promové kalidat di e artenan di riba tarima i pa alkansá un públiko pa esei. Bo por usa e supsidio pa finansiá aktividatnan tantu den e fase preparatorio komo e fase ehekutivo. Pensa aki riba kompensashonnan pa empleadonan artístiko i komersial, tempu di ensayo ku empleadonan tékniko i di produkshon i esnan ku ta hasi e ehekushon. Ademas, bo por presupuestá gastunan pa publisidat òf merkadeo i pa, por ehèmpel, e estreno.

Kuantu?

Bo por hasi petishon pa un supsidio di produkshon di un máksimo di 78.750 euro. Den kuadro di e supsidio di produkshon ta krea tambe un òf mas komposishon, libreto òf teksto di teatro nobo? E ora ei tin un supsidio adishonal disponibel di un máksimo di 26.250 euro. E produkshon mester ta finalisá riba e último fecha ku bo mes ta yena. Mayoria biaha ta finalisá proyektonan denter di un òf dos aña.  

Kon i ki ora por hasi petishon?

Tin kuater ròndu di petishon pa aña. Bo por entregá un petishon i keda honrá den un máksimo di tres ròndu pa aña. E fechanan final di e ròndunan di petishon ta varia kada aña pero ta tuma lugá den kuminsamentu di kada kuartal. Bo por entregá un petishon pa e Supsidio di produkshon via Mi Fondo. Pa esaki bo mester di un kuenta komo “organisashon.” Bo ta yena un formulario di petishon, un presupuesto segun nos modelo (wak: www.productiebegroting.nl) i un plan di proyekto supstansial (den forma di pdf). Den e plan akí, bo ta deskribí e plan artístiko i di produkshon i bo ta splika e presupuesto. Despues di hasi entrega bo ta risibí un mensahe ku si bo petishon por bini na remarke pa supsidio òf nò. Si bo petishon ta bini na remarke, bo ta risibí e desishon por eskrito riba bo petishon denter di diestres siman via Mi Fondo. 

Aki bo ta haña mas informashon tokante entrega di un petishon na Fonds Podiumkunsten. 

Ta bon pa sa

• Ta evaluá e petishon segun e kriterionan: kalidat artístiko di e plan, empresarialidat; kontribushon na e pluriformidat di e oferta di artenan di riba tarima den Reino i distribushon geográfiko. Wak e instrukshonnan i splikashon útil akí riba nos wèpsait tokante kiko lo mester tin den bo plan di proyekto tokante e kriterionan akí.  
• Bo por presentá un plan konseptual na nos pa e supsidio akí. E ora ei bo ta risibí feedback i teps pa mehorá bo plan promé ku bo entregá e plan definitivo serka nos komo petishon. Bo por entregá e plan konseptual akí te tres siman promé ku e fecha final di hasi petishon.  
• Bo no por hasi petishon si bo organisashon ku ta hasi petishon ta establesé ku statuto ku e úniko meta: arte amatùr òf bienestar, òf si e organisashon ke realisá produkshonnan kaminda e aktividatnan di tempu liber di esnan enbolbí ta mas importante. Tampoko ta posibel pa hasi petishon si ta trata di produkshonnan di studiantenan di den enseñansa di arte. 

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Fonds Podiumkunsten. E informashon akí ta disponibel na hulandes.

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.