Convocatorio Habri pa Practicanan di Diseño Emergente ABCSSS

Pa ken?

Diseñadornan o creadornan cu ta cuminsa cu sede na Aruba, Bonaire, Corsou, Saba, Sint Eustatius y Sint Maarten.

Pa kico?

E Convocatorio Habri pa Practicanan di Diseño Emergente ABCSSS ta dirigi na diseñadornan y trahadornan cu ta desaroya productonan cultural o artistico independientemente y ke sigui profundisa y profesionalisa nan practica emergente.

Cuanto?

Si bo wordo selecta despues di e dia di presentacion, lo bo traha bo plan di desaroyo hunto cu e fondo. A base di e plan aki, bo ta haya un subsidio di €25.000, cu cua bo por implementa e plan aki.

Con y ki ora por haci peticion?

• Bo por entrega bo aplicacion via e plataforma di aplicacion di e fondo entre diamars, 13 di januari 2026, 10:00 AM AST y diaranson, 18 di maart 2026, 11:00 AM AST. Lo bo mester di un cuenta pa drenta den e plataforma di aplicacion. Por fabor crea e cuenta aki na tempo. Ta tuma un dia di trabou pa un cuenta nobo ser activa. Bo aplicacion mester inclui un carta di presentacion o video, un CV, y un cartera.
• Dies persona lo wordo invita na e dia di presentacion. Nan lo presenta nan pregunta di desaroyo den tres minuut. Despues e hurado lo hasi un serie di pregunta, y cuater persona lo wordo selecta. E dia di presentacion lo wordo teni na Ingles.
• E personanan selecta lo skirbi un plan di desaroyo den colaboracion cu e fondo. Si e wordo aproba, nan lo ricibi un subsidio di €25.000 pa implementa e plan aki durante di un aña.

Bon pa sa

• Den preparacion pa bo registracion, bo por participa den un di e oranan di consulta online. Durante e seshonnan aki, mas informacion lo wordo suministra tocante e procedura di registracion y bo lo haya conseho riba presentacion di bo plannan.  Bo por haya mas informacion tocante e secionnan aki riba e website di e Fondo di Incentivo.
• Orario di consulta di 17 Februari 11:00 AST
• Orario di consulta di 5 Maart 10:00 AST
• E dia di pitch ta tuma luga anualmente riba un di e islanan. Participantenan cu no ta biba riba un di e islanan concerni lo haya un compensacion pa gastonan di biahe y estadia.

Via e boton akibou bo ta wordo manda bek pa e website di Stimuleringsfonds Creatieve Industrie (Fondo di Stimulacion pa Industria Creativo). E website aki ta disponibel na Hulandes y Ingles.

Mas informacion

Preguntanan & contacto

Bo tin cualkier pregunta o tin algo cu no ta completamente cla? Haci bo pregunta via email na e personanan di contacto na emergingdesignpractices@stimuleringsfonds.nl. Si bo tin un pregunta mas general, check  e preguntanan cu ta wordo haci frecuentemente adelanta.