Enseñansa cultural pa e parti Caribense di Reino 2025-2028: Corsou, Aruba y Sint Maarten
Pa ken?
Un persona establece na Corsou, Aruba o Sint Maarten por pidi subsidio:
- un institucion cultural
- un profesional cu tin por lo menos dos aña activo como profesional independiente riba tereno di educacion cultural
E aplicacion semper ta pa e colaboracion entre e persona cu ta aplica y un o mas scol. Tanto e solicitante como e scolnan ta situa riba e mesun isla.
Pa kico?
Exploracionnan
Nos ta sostene e exploracion di un colaboracion entre un institucion cultural o profesional y un o mas scol. Esaki ta regarda actividadnan manera discusion, desaroya plan, desaroya experticio, traha acuerdonan tocante contenido, division di tareanan y financiamento, y purba actividadnan. E exploracion ta enfoca riba educacion cultural pa e alumnonan di e scolnan.
Proyectonan
Nos ta sostene e desaroyo y ehecucion di un proyecto di educacion cultural pa medio di un colaboracion entre un institucion o profesional cultural y un o mas scol. Esaki ta regarda actividadnan manera e (mas) desaroyo, preparacion, ehecucion y evaluacion di e proyecto di educacion cultural. E base di e proyecto ta e pregunta di e scol o scolnan. E proyecto ta enfoca riba educacion cultural pa e alumnonan di e scolnan.
Tambe por haci aplicacion pa proyecto educativo cu ta enfoca riba creacion di contenido digital (arte nace di forma digital) o caminda tecnologia digital ta un instrumento den e proceso cultural y educativo (por ehempel traha cu AI).
Cuanto?
Exploracionnan
€ 5.000 – 15.000 – Bo proyecto lo dura un minimo di dos luna y un maximo di un aña. E proyecto lo cuminsa no mas trempan cu ocho siman despues di entrega e peticion. Y e proyecto lo cuminsa dentro di seis luna despues cu e aplicacion a wordo aproba.
Proyecto
€ 15.000 – 50.000 – Bo proyecto lo dura un minimo di dos luna y un maximo di dos aña. E proyecto lo cuminsa no mas trempan cu ocho siman despues di entrega e peticion (pa proyecto riba €25.000 esaki ta diestres siman). Y e proyecto lo cuminsa denter di seis luna despues cu e aplicacion a wordo aproba.
Nos ta subsidia 100% di e gasto total di e proyecto.
Con y ki ora por haci peticion?
Por entrega aplicacion di 2 di juni 2025 te cu 9 di december 2026.
Bon pa sa
- Educacion cultural ta inclui tambe educacion di herencia. Den e peticion por inclui cooperacion internacional tambe, si esaki lo mehora e cooperacion local.
- Como Fondo, nos ta enfoca riba e impacto y efectonan logra cu e proyectonan. E efectonan spera ta diferencia pa areglo di subsidio. Nos lo ke sa den bo aplicacion con bo ta logra e efectonan aki y con bo ta inclui bo grupo di enfoke. E areglo di subsidio ta describi kico nos ke men cu e efectonan aki.
- Exploracionnan: Bo ta traha riba e efectonan: colaboracion y igualdad di oportunidad.
- Proyectonan: Bo ta traha riba e efectonan: desaroyo creativo, conexion y igualdad di oportunidad.
Condicionnan
- Bo ta aplica e tres codigo cultural, manera describi den articulo 1.6 di e areglo di subsidio.
- Un maximo di dos aplicacion pa persona cu ta aplica lo wordo honra denter di tanto e Exploracionnan como e Proyecto.
- Aplicacionnan lo wordo procesa den orden cu a haya esaki te ora cu a yega na final di e presupuesto. Pa e motibo aki cuminsa na tempo; no warda mucho largo pa aplica.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Fonds voor Cultuurparticipatie. E informashon akí ta disponibel na hulandes.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.
