Ko-kreashon – Komunidatnan

Bo por pidi e supsidio akí for di 12 di yanüari 2026 pa 1:00 pm (ora di Hulanda) i 8:00 am (ora di área karibense). Nos ta trata petishonnan na sekuensia di entrega, te ora e presupuesto kaba. 

Pa ken?

• Komunidatnan (montantenan te € 25.000)
  Por lo ménos tres hende ku a firma un akuerdo di kolaborashon.
• Organisashonnan kultural òf di patrimonio (montantenan te € 50.000)
  Por ehèmpel teatronan, archivonan, produktornan òf museonan. Pero tambe fundashonnan ‘mas chikitu’ òf asosiashonnan ku un meta kultural òf di patrimonio. Por ehèmpel un kor òf un asosiashon di trahadónan di karosa.
• Profeshonalnan kultural òf di patrimonio (montantenan te € 25.000)

Pa kiko?

E supsidio akí ta pa proyektonan di patrimonio intangibel i proyektonan di patrimonio dor di i ku komunidatnan. Ta importante pa realmente tin kuestion di un aktividat. Pensa riba ehekutá òf pasa un fishi, kustumbernan, tradishonnan òf ritualnan. Manera sierto formanan di músika i baile, kontamentu di kuenta i prosesamentu di tela. For di anochinan di Dabke, un tipo di baile folklor tradishonal, òf traha makutu te na konsiertonan di teatro di e religion Winti. No mester preokupá si e patrimonio ku bo ta ehersé no ta pará riba un lista ofisial (ainda) òf si e no a wòrdu ‘aprobá’ dor di otronan. Basta ku e tin balor pa e komunidat i e sosiedat, i den bo petishon ta klaramente spliká dikon. 

Kiko ta un komunidat? 

Pa e Fondo un komunidat ta un grupo di hende ku ta sinti su mes konektá ku otro dor di kultura, interesnan, orígen i pasado kompartí. Un grupo ku ta kompartí tradishonnan, kustumbernan i ritualnan. Òf ta mantené patrimonio intangibel i patrimonio bibu. Por ehèmpel dor di kolekshoná òf pasa konosementu tokante un pasado kompartí i e efekto kontinuo di esaki den presente. 

Miembronan di un komunidat tin konfiansa den otro, naturalmente ta traha huntu i ta kompartí konosementu i eksperensia. Un komunidat no mester ta organisá den manera formal òf eksistí pa hopi tempu kaba. Un komunidat por ta basá riba (òf eksistí di) por ehèmpel un grupo étniko, un supkultura, un grupo regional òf un komunidat di patrimonio.    

Kuantu?

Tin dos sorto di supsidio:  

• Paragraf 1 pa montantenan di € 1.000 te ku € 25.000.
  E paragraf akí ta pa proyektonan di patrimonio intangibel i pa proyektonan di patrimonio di komunidatnan, organisashonnan kultural i profeshonalnan kultural. Bo ta un organisashon òf un profeshonal? E ora ei bo ta traha semper huntu ku un komunidat durante preparashon i ehekushon di bo proyekto. Den aña 2026, 2027 i 2028 tin un presupuesto anual di € 875.000 pa e paragraf akí.
• Paragraf 2 pa montantenan di € 25.001 te ku € 50.000. E paragraf akí ta pa proyektonan di patrimonio intangibel i di proyektonan di patrimonio di organisashonnan kultural. Semper ta prepará i ehekutá e proyekto huntu ku un komunidat. Den aña 2026, 2027 i 2028 tin un presupuesto anual di € 1.070.000 pa e paragraf akí.

Kon i ki ora por hasi petishon? 

E areglo ta habri pa promé biaha dia 12 di yanüari 2026. Nos ta trata petishonnan na sekuensia di entrega, te ora e presupuesto pa e aña a kaba. Si un presupuesto pa e aña a kaba, e areglo ta sera temporalmente. E ora ei e areglo ta habri bèk den e siguiente aña kalendario. 

Ta bon pa sa

Komunidatnan, organisashonnan kultural i profeshonalnan kultural ku hasi petishon pa supsidio mester ta establesé den Reino Hulandes. Pa e proyekto sí nan por traha huntu ku un komunidat, organisashon òf profeshonal di un otro pais. Tanten e resultadonan di e proyekto ta benefisiá e sosiedat den e Reino. 

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Fonds voor Cultuurparticipatie. E informashon akí ta disponibel na hulandes i ingles. 

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.