Areglonan

E Areglo di Arkitectura ta pa arkitectonan, escritornan, institutonan di diseño, institutonan cultural o organisacionnan cu ta traha riba tereno di arkitectura.

Areglo di pelicula cortico (ficcion y documental) pa proyectonan original, urgente y autentico di directornan nobo o experencia cu ta buscando nan mes firma, caminda exploracion cinematografico ta central. Tin ambicion internacional y potencial pa rotacion di festival.

E Areglonan di Diseño ta pa diseñadornan, fabricantenan, escritornan, instancianan di diseño, institucionnan cultural of organisacionnan cu ta traha riba tereno di diseño. E areglo aki ta sostene proyectonan artistico o cultural cu ta contribui na calidad, desaroyo o profundisacion di e tereno.

Un areglo di studio pa creadornan autodidacto di tur region di Reino Hulandes. E creadornan ta haya un contribucion pa desaroyo di un pelicula cortico y nan ta haya tambe entrenamento y tayernan den colaboracion cu e centronan di talento den e region.

E Scout Night ABCSSS ta pa diseñadornan of creadornan cu ta cuminsa cu sede na Aruba, Bonaire, Curaçao, Saba, Sint Eustatius o Sint Maarten. Pa medio di un pitch nan tin chens di gana un subsidio cu lo permiti nan profundisa y profesionalisa nan practica.

Areglo di pelicula cortico pa creadornan di e islanan Caribense. Esaki ta permiti nan desaroya nan talentonan, loke ta contribui na enrikece e oferta di pelicula di historianan original for di y riba e islanan.

Pa artistanan visual cu ta profesionalmente activo pa mas cu 4 aña. Bo por usa e contribucion pa, entre otro, crea trabou, investigacion, experimento, tareanan, participa na un exposicion o cumpra material.

Pa artistanan o gruponan emergente cu ta tumando e siguiente paso den nan carera riba tereno di baile, teatro o musica den e cutlura urbano. E subsidio ta brinda un contribucion na desaroyo di trabou (nobo) y un presentacion en bibo.

Pa proyectonan special di arte visual y herencia di importancia nacional o cu un aparencia regional importante cu ta bay mas leu cu e programacion regular di un organisacion.

Pa organisacionnan cu ya a crea y interpreta varios produccion manera presentacion y concierto. E subsidio ta duna un contribucion na creacion (o rebiba) y presentacion di presentacionnan y conciertonan.

Pa artistanan visual cu ta profesionalmente activo pa 1 pa 4 aña. Bo por usa e contribucion pa, entre otro, crea trabou, investigacion, experimento, tareanan, participa na un exposicion o cumpra material.

Pa creadornan literario profesional (cu ta cuminsando) y organisacionnan basa den Caribe E contribucion ta pa traha buki (novela, coleccion di poesia, novela grafico, buki di potret), pa traduccion, pa trabounan literario riba escenario manera palabra papia, digital (podcast,. audiovisual ), programanan di desaroyo di talento literario y actividadnan literario.

Cu e areglo aki, organisacionnan por aplica pa un subsidio pa actividadnan publico riba tereno di literatura y pa iniciativanan den scol o extracuricular cu ta promove lesamento di literatura.

Pa artistanan visual cu ta trahando profesionalmente pa un minimo 1 aña. E contribucion ta pa un plan specifico, mara na un periodo di trabou evidente. Por ehempel, pa trabou nobo, colaboracion, investigacion, stage o biahe o periodo di trabou.

E Areglo pa Festivalnan y Presentacionnan Publico ta pa institutonan o organisacionnan cultural cu ta organisa programanan publico riba tereno di diseño, arkitectura of cultura digital. E areglo ta sostene proyectonan cu ta contribui na un alcance publico mas grandi y profundisa interes den e industria creativo.

E areglo aki ta encurasha desaroyo y ehecucion di proyectonan cu ta contribui na mas y miho educacion cultural riba e islanan di Boneiro, Saba y Sint Eustatius. Esaki ta mara na e vision educativo di scolnan den enseñanza basico, specialisa, secundario y enseñanza profesional sekundario.

Hopi mucha y hoben afecta pa e Caso di Toelage te awor no por a participa den actividadnan cultural. E areglo aki ta duna institutonan y hendenan cu ta traha pa nan mes e oportunidad pa envolvi nan pa medio di proyectonan cultural, artistico y social.

Pa artistanan cu a wordo invita pa duna presentacion/conciertonan pafo di henter Reino. Tambe pa compositornaan, por ehempel, cu a wordo invita pa presencia un presentacion di nan propio obra. E subsidio ta duna un contribucion na gastonan di biahe, visa y transporte.

Organisacionnan cu ta produci y implementa actividadnan di promocion di lesamento o educacion di literatura E contribucion ta pa proyectonan innovativo cu ta stimula placer di lesamento, encurasha lesamento/scucha literatura, o pa proyectonan den cua participantenan ta skirbi o actua nan mes.

Subsidio di proyecto pa organisacion di un edicion di festival di pelicula o pa dos edicion (den dos aña) di e mesun festival di pelicula anual. Meta ta pa stimula distribucion, desaroyo di conocemento, profila y promocion di pelicula profesional den Reino Hulandes.

Pa creadornan literario cu a crea por lo menos 1 proyecto o obra literario cu un productor profesional. E contribucion por wordo usa pa e gastonan di skirbimento y proyecto di palabra papia, contamento di cuenta, obra literario digital (podcast, video).

E Areglo di Cultura Digital ta dirigi pa creadornan, escritornan, agencianan di diseño o institutonan cultural cu ta traha den e area di cultura digital. E areglo aki ta sostene proyectonan artistico o cultural cu ta contribui na calidad, desaroyo o profundisacion di e tereno.

E Subsidio di Inicio ta pa traductornan literario cu a cera un prome contract di traduccion cu un cas di publicacion (yama Contract Modelo di GAU. E Subsidio di Desaroyo ta pa traductornan cu a haya por lo menos 1 subsidio di traduccion (Starter) caba y ke desaroya mas aleu como un traductor literario profesional.