Entrega un peticion na Fonds voor Cultuurparticipatie

Haci peticion

Peticion pa un subsidio di e Fonds voor Cultuurparticipatie ta wordo haci den e area di ‘Mijn Fonds’. Bo ta aplica pa un subsidio pa promeé biaha? Prome bo mester crea un cuenta (esaki ta tuma un maximo di 5 dia di trabou). Despues di activa bo cuenta, bo por bay den e pagina ‘Peticion pa Subsidio’ den “Mijn Fonds” pa asina mira cua di e areglonan ta habri.

Despues bo ta primi riba e areglo cu ta relevante pa bo proyecto y cuminsa bo aplicacion. Bo no mester aplica pa un subsidio den un solo biaha. ‘Mijn Fonds’ ta warda bo progreso.

Ora bo ta cla, manda bo aplicacion digitalmente y mesora lo bo haya un confirmacion via email. Esaki ta nifica cu nos a haya e peticion  den bon orden.  Despues e conseheronan di subsidio lo revisa bo aplicacion. Si e ta completo y ta cumpli cu e condicionnan, e lo wordo procesa.

• Pa areglonan pa cua bo por aplica continuamente, nos lo purba di laga bo sa denter di 14 dia si bo aplikashon lo wordo procesa.   

• Pa areglonan cu un fecha di entrega final, nos lo purba di laga bo sa denter di 14 dia di e fecha limite si bo aplicacion lo wordo procesa.     

Casi semper nos ta procesa aplicacionnan den e orden cu a haya esaki.  Pa e motibo aki ta posibel cu e presupuesto a caba ora nos evalua bo aplicacion.  Den e caso aki bo ta haya un rechaso sin evaluacion.  Pues soru pa bo ta na tempu y no warda te na e fecha di clausura di e areglo.  

Evaluacion

Bo aplicacion lo wordo evalua substancialmente.   

• Aplicacionnan te cu y incluso €25,000 casi semper ta wordo evalua door di e conseheronan interno di e fondo.  

• Pa aplicacionnan mas halto cu €25,000, e fondo ta contrata un comision di conseho.  Esaki ta encera specialistanan cu conocemento di varios disciplina for di e tereno di participacion cultural y educacion cultural.  

E conseheronan interno of e comision di conseho lo evalua si bo aplicacion ta cumpli cu e criterionan di e areglo.  Despues nan lo conseha e directiva di e Fonds voor Cultuurparticipatie riba si mester otorga bo peticion of no. 

Tumamento di decision

Normalmente lo bo tende denter di 13 siman si bo aplicacion a wordo aproba. Bo ta haya e periodo di contesta cu ta conta pa bo areglo riba e website pa e areglo.  

Den caso cu ta otorga subsidio, bo ta haya e montante otorga y informacion tokante e procedemento mas aleu den e carta di decision.  Desafortunadamente, nos mester rechasa aplicacionnan tambe. Bo por lesa dicon den e carta di decision.  

Si bo proyecto a wordo aproba, lo bo haya un mensahe via Mijn Fonds. Esaki ta wordo yama un decision di subsidio. . Esaki ta contene tur informacion relevante tocante e responsabilidad di bo proyecto.  E informacion aki ta vigente