Entrega un peticion na Mondriaan Fonds
Riba e website di Mondriaan Fonds bo por haci peticion pa un cuenta cu bo mester di dje pa entrega un peticion. Ta aplica esaki solamente si bo no a haci esaki anteriormente. Por fabor tene cuenta cu un periodo di procesamento di 3 luna for di momento cu e peticion a wordo entrega completamente. Sinembargo, debi na e hopi aplicacionnan na e fondo, e tempu di procesamento por tuma mas largo. No por otorga un contribucion retro-activamente. Por lo tanto, mester entrega e peticion cu suficiente anticipacion na e fecha di inicio desea. E comision di conseho ta duna conseho na e hunta directiva di Mondriaan Fonds tocante si mester otorga un contribucion.
Prosedura
- Solicitantenan ta entrega un aplicacion via e sistema di aplicacion, unda cu e solicitante ta haya e opcion pa entrega e aplicacion na Hulandes of Ingles. Depende di e escoho aki, e version Hulandes o Ingles di e formulario di aplicacion ta habri.
- Un cantidad di areglonan di e Mondriaan Fonds tin un fecha limite. Wak e parti ariba ‘Con y ki ora pa aplica?’ den e splicacion online di e skema. Percura cu bo ta manda peticion prome cu e fecha limite.
- Despues di manda e peticion, Mondriaan Fund ta verifica si e peticion ta completo. Si e peticion no ta completo, e colaboradonan di e fondo lo tuma contacto cu bo. E solicitante na e momento aki tin e oportunidad di completa e peticion denter di 5 dia di trabou. Si e peticion ainda no ta completo despues di esaki, lamentablemente nos no por procesa esaki.
- Si e aplicacion ta completo y ta cumpli cu e condicionnan indica den e splicacion online di e skema y e terminonan y condicionnan general, e solicitante lo haya un confirmacion via email.
E comision di conseho ta duna conseho na e hunta directiva di Mondriaan Fonds tocante si mester otorga un contribucion. E decision di e directiva lo wordo manda pa e solicitante via email y post denter di 3 luna despues di e fecha limite di e buelta di aplicacion. Si e areglo no tin un fecha limite, e decision di e directiva lo wordo manda pa e solicitante via email y post denter di 3 luna despues di e entrega di e aplicacion.
Evaluacion
E peticion entrega ta wordo presenta na e comision cu ta duna conseho substancial riba otorgamento di un contribucion denter di e areglo relevante. E comision di conseho ta husga a base di e criterionan manera ta para den tur splicacion online abou di e area titula ‘Evaluacion’.
Un contribucion por wordo otorga solamente si e comision di conseho evalua e peticion di forma positivo. E comision di conseho por wordo pidi dor di e directiva di e Mondriaan Fonds pa pisa e proyectonan evalua di forma positivo contra di otro. E diversidad di proyectonan, distribucion regional y un distribucion balansa entre e diferente tipo di proyectonan ta hunga un rol den e consideracion aki. E directiva por tuma e decision tambe pa otorga un contribucion mas abou cu a wordo pidi en conexion cu e presupuesto disponibel.
