Artista Basico

Entrenamento y practica di trabou 

• E solicitante mester ta trahando profesionalmente como artista visual pa 4 aña of mas.  Un educacion di arte no ta necesario pa cualifica pa un Kunstenaar Basis. 
• Artistanna cu a completa un curso universitario den arte visual por aplica no mas tempran cu 4 aña despues di a bandona e academia.  Periodonan den cua e artista a sigui un master den arte visual no ta conta pa e periodo di practica profesional. 
• Periodonan den cua e solicitante a participa na institucionnan of tayernan post-academico manera Ateliers, Rijksacademie, BAK, EKWC o Jan van Eyck Academy ta conta pa e 4 añanan rekeri. 
• E Kunstenaar Basis no por wordo usa pa financia un estudio. Tambe bo no mag di usa e areglo ora bo ta bay educacion na institutonan, manera cursonan di bachelor y master.  Esaki ta conta tambe pa cursonan post-gradua o post-doctoraal 
• Pa bini na remarke pa un contribucion, bo mester ta artisticamente activo den e arte visual y den e capacidad ey ta incorpora den e practica profesional di arte visual na Hulanda y/o e parti Caribense di Reino. 

Entrada riba cua mester paga impuesto 

• Pa un Kunstenaar Basis, e entrada colectivo di e solicitante den e ultimo 2 añanan tabata igual of mas abou cu € 55.000 pa aña.  No ta inclui cualke contribucion financiero anterior di e Mondriaan Fonds. 
• Na momento di aplicacion, bo no ta haya ningun otro contribucion financiero di e Mondriaan Fonds cu ta cubri e mesun gastonan. 

Peticionnan anterior

• Por otorga un Kunstenaar Basis como maximo 1 bes den 4 aña. 
• Un artisita cu anteriormente a wordo rechasa pa motibo di actuacion artistico no por aplica pa un Kunstenaar Basis durante un periodo di 12 luna despues di e fecha di aplicacion. 
• No por aplica pa un Kunstenaar Basis durante e termino di un otro contribucion financiero di e Mondriaan Fonds si e directiva di e fondo ta di opinion cu e contribucion ta cubri e mesun gastonan.