Artista di Proyecto

Entrenamento y practica di trabou 

• Un aplicacion por wordo entrega solamente pa artistanan cu: 
  • tin por lo menos 1 aña trahando como artista visual profesional y ta registra na Camara di Comersio, o 
  • a completa por lo menos 3 aña di educacion profesional superior como artista visual y a traha como artista visual profesional pa por lo menos 1 aña, o 
  • 3 aña of mas trahando profesionalmente como artisita visual. 
• E Kunstenaar Project no por wordo usa pa financia un estudio. Tambe bo no mag di usa e areglo ora bo ta bay educacion na institutonan, manera cursonan di bachelor y master.  Esaki ta conta tambe pa cursonan post-academico of post-doctoraal manera Rijksakademie, BAK, Ateliers, Jan van Eyck Academy y EKWC. 
• Pa bini na remarke pa un contribucion, bo mester ta artisticamente activo den e arte visual y den e capacidad ey ta incorpora den e practica profesional di arte visual na Hulanda y/o e parti Caribense di Reino. 

Gastonan eligibel

• E contribucion no ta destina pa trabou pa un organisacion, trabou regular, gastonan di exposicion y otro gastonan di presentacion di trabou. 
• Gastonan regular manera gastonan di vivienda continuo no ta bini na remarke pa un contribucion. 
• E contribucion no por wordo usa pa bin cu obranan produci anteriormente bek den produccion, pa cuadra esaki o pa traspasa esaki pa un otro medio.  E contribucion por wordo usa pa un buki di artista basta cu e ta un edicion special cu por wordo considera como un obra di arte autonomo y tin un edicion di maximo di tres ehemplar. No por pidi un Proyekto Kunstenaar pa publicacionnan, pero por pidi un contribucion di Publicacion. 
• E contribucion no por wordo pidi pa un periodo di trabou den un studio di invitado na cas of den exterior si e ta wordo ofrece den e programa di Residensia di Mondriaan Fonds. 

Financiamento

• Cu un contribucion flexibel, e intencion ta cu bo propio contribucion na e proyecto ta por lo menos 10%.  Esaki por ta bo propio inversion, un contribucion di tercer parti, un fiansa sin interes di Fonds Kwadraat of un contribucion via crowdfunding. 
• No tin un montante maximo pa un contribucion flexibel, pero nos ta spera cu bo ta haci tur esfuerso pa obtene cofinanciamento di tercer partido. 
• Si tin otro partido involucra den e peticion, e contribucion financiero di e parti aki mester ta un proporcion aceptabel pa e contribucion cu bo mester solicita di e Mondriaan Fonds.  Ta spera cu institutonan cultural ta bay usa e Fair Practice Code. Esaki ta nifica automaticamente cu e institucion ta pone e guia di e gastonan di e artista den practica. 

Peticionnan anterior 

• No por aplica pa un Kunstenaar Project durante e termino di un otro contribucion financiero di e Mondriaan Fonds si e directiva di e fondo ta di opinion cu e contribucion ta cubri e mesun gastonan. 
• No ta haci contribucion na un artista di cua menos cu 1 aña pasa a otorga un Kunstenaar Start (antes conoci como Werkbijdrage Jong Talent). 
• Por duna un artista un compensacion durante un periodo di 48 luna pa un maximo di 24 luna pa e tempo usa (inversion di tempo). E ora ey un solicitante por haci un peticion ainda den e periodo ku ta resta un contribucion flexibel na gastonan di proyecto (como parti di un Kunstenaar Project). 
• Si un peticion anterior a ser nenga basa riba prestacionnan artistico, lo bo no por aplica pa Kunstenaar Project durante e periodo di 12 luna despues di e fecha di peticion, cu excepcion cu esaki ta pa un plan completamente otro, di cua tin e expectativa cu e desaroyo di bo trabou ta tuma un ruta completamente diferente.