Artista di Proyecto

Entrenamento y practica di trabou 

• Un aplicacion por solamente ser entrega pa artistanan cu un minimo di 1 aña trahando como artista visual profesional:
  • Bo a completa un bachelor na nivel hbo cu un curiculo di arte visual? E ora ey e fecha di diploma ta wordo considera e comienso di bo practica profesional. Tin un periodo entre e fecha di graduacion di bo programa di bachelor di HBO cu curiculo di arte visual y e inicio di bo programa di master? E ora ey, e periodo aki ta wordo inclui como parti di e practica profesional.
  • Bo no a completa un bachelor na nivel cu un curiculo di arte visual? E ora ey, na e momento cu bo presenta e obra pa prome biaha denter di e circuito di arte visual profesional, esaki ta wordo considera e comienso di practica profesional.
• Bo no por aplica pa o usa un contribucion mientras bo ta sigui educacion na institutonan, manera bachelor y master, cursonan post-academico o post-doctoraal y programanan di PhD. A menos cu ta trata di un curso part-time, cu no ta un bachelor, di menos cu binti ora pa siman.
• Pa bini na remarke pa un contribucion, bo mester ta artisticamente activo den e arte visual y den e capacidad ey ta incorpora den e practica profesional di arte visual na Hulanda y/o e parti Caribense di Reino. 

Locual si ta posibel:

• Gastonan di material specificamente relaciona cu e proyecto
• Huurmento di ekipo y material
• Compra di ekipo necesario pa e proyecto por wordo amortisa den e presupuesto,
• Gastonan di biahe pa un vuelo di regreso, compensacion di kilometer, biahe den trein, pa y for di e localidad principal manera menciona den e aplicacion. Gastonan di biahe local ta inclui den e compensacion di inversion di tempo.
• Contrata tercer partidonan (si ta aplicabel, incluyendo gastonan di biahe y acogida)
• Gastonan di residencia: Tene na cuenta cu e compensacion pa inversion di tempo ta wordo reduci na mita si un tarifa di residencia ta inclui den e presupuesto o si ta parce cu e residencia ta incorpora e siguiente gastonan: acomodacion y cuminda.
• E contribucion por wordo usa pa un buki di artista basta cu e ta un edicion special cu por wordo considera como un obra di arte autonomo y tin un edicion di maximo di tres ehemplar. No por pidi un Proyecto Kunstenaar pa publicacionnan, pero por pidi un contribucion di Publicacion.

Locual no ta posibel:

• Gastonan regular manera gastonan di vivienda continuo i acogida pa mucha no ta bini na remarke pa un contribucion.
• E contribucion no ta destina pa trabou pa un organisacion, trabou regular, gastonan di exposicion y otro gastonan di presentacion di trabou.
• E contribucion no por wordo usa pa bin cu obranan produci anteriormente bek den produccion, pa cuadra esaki o pa traspasa esaki pa un otro medio.
• Costonan asocia na e estadia den exterior y cu ta den e otorgamento di inversion di tempo: manera acomodacion, cuminda y costonan di biahe local. E gastonan aki por wordo pidi pa tercer partidonan envolvi den e proyecto.
• Bo no por pidi e contribucion Proyecto di Artista pa un periodo di trabou den un studio di invitado na cas o den exterior si e ta wordo ofrece den e programa di Residensia di Mondriaan Fonds.
• Bo no por aplica pa e contribucion di Proyecto di Artista pa actividadnan o un proyecto na institucionnan/entidadnan di arte cu ta wordo sostene pa medio di un contribucion di varios aña di un di e Fondonan Nacional di Cultura o di BIS. A menos cu ta trata di un parti di e programa no regular.

Financiamento

• No por haci contribucion fiho na un artista di cua menos cu 1 aña pasa a otorga un Comienso Artista.
• Cu un contribucion flexibel, e intencion ta cu bo propio contribucion na e proyecto ta por lo menos 10%.  Esaki por ta bo propio inversion, un contribucion di tercer parti, un fiansa sin interes di Fonds Kwadraat o un contribucion via crowdfunding. 
• No tin un montante maximo pa un contribucion flexibel, pero nos ta spera cu bo ta haci tur esfuerso pa obtene cofinanciamento di tercer partido. 
• Si tin otro partido involucra den e peticion, e contribucion financiero di e parti aki mester ta un proporcion aceptabel pa e contribucion cu bo mester solicita di e Mondriaan Fonds.  Ta spera cu institutonan cultural ta bay usa e Fair Practice Code. Esaki ta nifica automaticamente cu e institucion ta pone e guia di e gastonan di e artista den practica. 

Peticionnan anterior 

• No por aplica pa un Kunstenaar Project durante e termino di un otro contribucion financiero di e Mondriaan Fonds si e directiva di e fondo ta di opinion cu e contribucion ta cubri e mesun gastonan. 
• No ta haci contribucion na un artista di cua menos cu 1 aña pasa a otorga un Kunstenaar Start (antes conoci como Werkbijdrage Jong Talent). 
• Por duna un artista un compensacion durante un periodo di 48 luna pa un maximo di 24 luna pa e tempo usa (inversion di tempo). E ora ey un solicitante por haci un peticion ainda den e periodo cu ta resta un contribucion flexibel na gastonan di proyecto (como parti di un Kunstenaar Project). 
• Un artista cu anteriormente a wordo rechasa pa motibo di actuacion artistico den e proyecto Proyecto di Artista, no por aplica durante un periodo di 12 luna despues di e fecha di aplicacion pa e areglonan: Proyecto di Artista, Residencia y Publicacionnan.
• Si un peticion anterior a ser nenga basa riba prestacionnan artistico, lo bo no por aplica pa Kunstenaar Project durante e periodo di 12 luna despues di e fecha di peticion, cu excepcion cu esaki ta pa un plan completamente otro, di cua tin e expectativa cu e desaroyo di bo trabou ta tuma un ruta completamente diferente.