Co-creacion – Comunidanan
Bo por pidi e subsidio aki for di 12 di januari 2026 pa 1:00 pm (zona di ora Hulanda) y 8:00 am (zona di ora Caribe). Nos ta trata e peticionnan den orden di ricibimento, te ora cu e presupuesto caba.
Pa ken?
- Comunidadnan (Montantenan te cu € 25.000)
Minimo tres persona cu a firma un acuerdo di cooperacion. - Organisacionnan Cultural of di Herencia (Montante te cu € 50.000)
Por ehempel, teatro, archivonan, productornan, of museonan. Pero tambe fundacionnan of asociacionnan “mas chikito” cu un meta cultural of di herencia. Por ehempel, un koor of un asociacion di constructornan di carosa di Parada di Carnaval. - Profesional nan Cultural of di Herencia (Montante te cu € 25.000)
Pa kico?
E subsidio aki ta destina pa proyectonan di herencia inmaterial y herencia realisa dor y conhuntamente cu comunidadnan. Ta importante pa tin un actividad real. Pensa riba ehecucion of transmision di un fishi, custumber, tradicion, of ritualnan. Ehempelnan ta: Cierto formanan di musica y baile, e contamento di storia y e procesamento di tela. E por ta, for di anochinan di baile di Dabke of pleitamento di macutu te cu conciertonan ti teatro Winti. No mester worry si e herencia cu bo ta eherce (ainda) no ta riba un lista oficial of no ta wordo ‘aproba‘ pa otro hende como herencia. Ta esencial si cu e tin balor pa e comunidad y e sociedad, y cu den bo peticion bo ta splica claramente dicon.
Kico ta un Comunidad?
Pa e Fondo, un comunidad ta un grupo di hende cu ta sinti nan mes conecta cu otro pa medio di un cultura, interes, origen, of antecedente comparti. Ta un grupo cu hunto ta comparti tradicionnan, custumbernan y ritualnan. Of ta mantene herencia inmaterial y herencia na bida. Por ehempel, dor di colecta of pasa conocemento tocante un pasado comparti y e efecto cu e pasado aki tin den e presente.
Miembro di un comunidad tin confiansa den otro, ta coopera di un manera natural y ta comparti conocemento y experencia. Un comunidad no tin nodi ta formalmente organisa of tin nodi di existi pa hopi tempu caba. Un comunidad por ta, por ehempel, basa riba (of consisti di) un grupo etnico, un sub-cultura, grupo regional of un comunidad di herencia.
Cuanto?
Tin dos sorto di subsidio:
- Paragraf 1 pa montante di € 1.000 te cu € 25.000 E paragraf aki ta destina pa proyectonan di herencia inmaterial y herencia di comunidadnan, organisacionnan cultural y profesionalnan cultural. Si bo ta un organisacion of profesional? Semper bo mester traha conhuntamente cu un comunidad durante e preparacion y ehecucion di bo proyecto. Na 2026, 2027 y 2028, tin un presupuesto anual di € 875.000 pa e paragraf aki. 2.
- Paragraf 2 (Montante di € 25.001 te cu € 50.000 E paragraf aki ta destina pa proyectonan di herencia inmaterial y herencia di organisacionnan cultural. E proyecto semper ta wordo prepara y ehecuta conhuntamente cu un comunidad. Na 2026, 2027 y 2028, tin un presupuesto anual di € 1.070.000 pa e paragraf aki.
Con y ki ora por haci peticion?
E areglo ta habri pa prome biaha riba 12 di januari 2026. Nos ta trata e peticionnan den orden di ricibimento, te ora cu e presupuesto anual caba. Si un presupuesto anual caba, e areglo ta cera temporalmente. E areglo ta bolbe habri den e siguiente aña di calendario.
Bon pa bo sa
Comunidadnan, organisacionnan cultural y profesionalnan cultural cu ta pidi subsidio mester ta estableci den Reino Hulandes. Nan por, pa e proyecto, coopera cu un comunidad, organisacion of profesional for di un otro pais. E resultado di e proyecto mester bin na beneficio di e sociedad den Reino Hulandes.
Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Fonds voor Cultuurparticipatie corespondiente. E website aki ta disponibel na Hulandes i Ingles.
Preguntanan & contacto
Bo tin pregunta tocante e areglo aki o tin algo cu no ta completamente cla? Por fabor tuma contacto ku e persona di contacto riba e pagina aki.
