Cypher Cinema

Pa ken?

Nos ta buscando peliculanan cortico idiosincratico di directornan of colectivonan autodidacto* cu:  

• no a gradua di un curso di entrenamento profesional reconoce di HBO pa pelicula cu e direccion di un pelicula di examen final;   
• tin experencia demostrabel como director profesional di trabou audiovisual (manera tareanan comercial of proyectonan di television) of a traha como hefe di departamento;  
• tin e ambicion pa sigui desaroya y profila nan mes como un director di pelicula;  
• traha y/of biba den Reino Hulandes (incluso e parti Caribense di Reino).  

*Cu colectivo nos ke men teamnan artistico den cua trahadonan di diferente disciplina ta traha hunto na un manera igual.  Cu colectivo nos no ke men enfaticamente un team di pelicula tradicional (herarkico).   

Pa kico?

Cu un contribucion di desaroyo y un tayer y programa di entrenamento pa peliculanan cortico, e Fondo di Pelicula ke stimula e fluho di bosnan y perspectivanan nobo.  E areglo ta enfoca riba desaroya un pelicula cortico cu ambicion internacional den e categoria ficcion, animacion, documental y/o experimental. E trahadonan selecta ta traha riba e desaroyo di nan pelicula pa un aña, independientemente y cu tayer, reunion i coaching.  Colaboracion, dedicacion y creacion ta central. 

Cuanto?

€ 10.000 pa proyecto (€ 8.500 pa e director autodidacto (cu team/colectivo creativo), € 1.500 pa e productor). 

Con y ki ora por haci peticion?

Aplicacionnan por wordo entrega riba e dia di e fecha limite te cu 5:00 PM (CET) o 12:00 PM (GMT -4) via e sistema di aplicacion Frame via e website di Filmfonds. 

E siguiente fecha limite ta dialuna, 18 di november 2024. 

Pa entrega e peticion digital, drenta den Frame.  Si bo no tin datonan di login ainda, bo mester pidi un cuenta nobo prome. Pidi un cuenta nobo aki. Tene na cuenta cu esaki por tuma dos dia di trabou. 

Aki bo ta haya mas informacion tocante entrega un peticion na e Filmfonds

Bon pa sa

• E seleccion ta wordo haci dor di un comision compone pa e Filmfonds.  
• Ora di selecta proyectonan, nos ta boga pa un mescla balansa di trahadonan di tur parti di Hulanda, incluyendo e parti Caribense di Reino.  Ademas, nos ta tene cuenta tambe cu un composicion balansa den e team pa loke ta trata creadornan cu mas experencia y menos experencia. 

Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Filmfonds corespondiente. E informacion aki ta disponibel na Hulandes i Ingles.

Na e areglo

Preguntanan & kontakto

Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.