Enseñansa cultural den vmbo, vso y pro 2025-2028

Pa ken?

Un instancia cultural estableci den Reino Hulandes por haci peticion pa e subsidio. E aplicacion semper ta pa cooperacion entre e institucion cultural y e scol of scolnan pa vmbo (incluso e klasnan internacional di transicion), vso y/o pro.

Pa kico?

• Exploracionnan:  Nos ta sostene un exploracion pa colaboracion entre un institucion cultural y un scol.  Esaki ta encera actividadnan manera combersacionnan, desaroya plannan, traha acuerdonan tocante contenido, division di tareanan y financiamento, y purba actividadnan. Nos ta mira e institucion cultural y scol como e partidonan esencial pa desaroya educacion cultural pa e grupo meta aki.  E colaboracion entre scol y institucion cultural no mester ta igual, pero e mester ta mas efectivo posibel. E exploracion ta dirigi riba actividadnan cultural cu ta promove e habilidad creativo di studiantenan den vmbo, vso y/o pro.
• Proyectonan:  Nos ta sostene e desaroyo y ehecucion di un proyecto educativo cultural den vmbo, vso y/o pro Esaki ta regarda actividadnan manera e (mas) desaroyo, preparacion, ehecucion y evaluacion di e proyecto di educacion cultural.  E proyecto ta dirigi riba promove e habilidad creativo di e studiantenan. E base di e proyecto ta e pregunta di e scol of scolnan y bista riba cual obhetivonan central den enseñansa ta wordo traha riba dje y di cual manera. Tambe por haci aplicacion pa proyectonan educativo cu ta enfoca riba creacion di contenido digital (arte nace di forma digital) of caminda tecnologia digital ta un instrumento den e proceso cultural-educativo (por ehempel traha cu AI).

Cuanto?

• Exploracionnan:  € 10.000 – 25.000 – Bo proyecto lo dura un minimo di dos luna y un maximo di un aña   E proyecto lo cuminsa no mas trempan cu ocho siman despues di entrega e peticion. Y e proyecto lo cuminsa dentro di seis luna despues cu e aplicacion a wordo aproba.
• Proyectonan:  € 25.000 – 65.000 – Bo proyecto lo dura un minimo di dos luna y un maximo di dos aña. E proyecto lo cuminsa no mas trempan cu diestres siman despues di entrega e peticion. Y e proyecto lo cuminsa dentro di seis luna despues cu e aplicacion a wordo aproba.

Pa solicitantenan di e parti Caribense di Reino, nos ta subsidia 100% di e gastonan total di e proyecto.

Con y ki ora por haci peticion?

• Exploracionnan: aplicacionnan ta posibel for di 17 di februari 2025 te cu 29 di maart 2028.
• Proyectonan:  Tene na cuenta: aplicacion ta posibel for di 17 di februari 2025 pa 29 di maart 2028, cu excepcion di e periodo di 1 di december 2025 pa 1 di maart 2026 y for di 1 di december 2026 pa 1 di maart 2027.  No ta posibel pa entrega un peticion durante e periodonan aki.

Bon pa bo sa

•  Educacion cultural ta inclui tambe educacion di herencia.  Den e peticion por inclui cooperacion internacional tambe, si esaki lo mehora e cooperacion lokaal.
• Como Fondo, nos ta enfoca riba e impacto y efectonan logra cu e proyectonan. E efectonan previsto ta diferencia pa areglo di subsidio. Nos lo ke sa den bo aplicacion con bo ta logra e efectonan aki y con bo ta inclui bo grupo di enfoke.  E areglo di subsidio ta describi kiko nos ke men cu e efectonan aki.
• Exploracionnan: Bo ta traha riba e efectonan: colaboracion, desaroyo di vision y igualdad di oportunidad.
• Proyectonan: Bo ta traha riba e efectonan: colaboracion, desaroyo di vision, igualdad di oportunidad, desaroyo creativo y conexion.