Literatura Karibense

Pa ken?

Bo por aplica pa e skema aki si bo ta situa den e parti Caribense di Reino y:   

• bo ta activo como escritor*, (actuacion) poeta, traductor literario, ilustrado, artista di palabra papia, artista di slam o dramaturgo  
• bo ta un organisacion cu ta organisa actividadnan literario, manera un festival o eventonan cu ta promove lesamento  
• bo ta un organisacion cu ta publica obra literario, den forma di buki, o den un proyecto, manera un obra di teatro o podcast  
• bo ta un organisacion cu ta yuda talentonan literario desaroya dor di ofrece guia den skirbimento, traduccion, edicion o precentacionnan riba escenario  

* cu ta envolvi profesionalmente o tin e ambicion pa envolvi profesionalmente den creacion o traduci literatura  

Pa kico?

E subsidio ta destina pa varios iniciativa riba tereno di literatura den tur genero: novela literario, cuenta, coleccion di poesia, palabra papia, obra teatral, novelanan grafico, no-ficcion literario, literatura infantil y hubenil.  Riba papel, scenario o den formato digital. 

E fondo ta distingui tres categoria:

1. E creacion di obra literario nobo
Esaki por encera un subsidio di trabou/honorario pa skirbimento di un texto literario nobo. O pa e gastonan di traduccion di un texto literario existente den o for di Papiamento, hasta si e ta concerni un publicacion multilingual.  Bo por aplica tambe pa e gastonan di edicion/supervision, produccion (diseño, ilustracion, imprenta), alcance/presentacion publico y distribucion.  Y e gastonan di produccion di proyectonan literario interdisciplinario o multimedia. 

2. Desaroyo di Talento  
Esaki ta regarda e desaroyo profesional di e creadornan literario. Por ehempel, pa e diseño di o participacion den tayernan o cursonan riba tereno di skirbimento creativo y tayernan di traduccion literario. Esakinan tambe ta inclui programanan di guia individual, mentorship, coaching, educacion y formacion.  Tambe bo por aplica pa un subsidio pa un plan di investigacion den cual abo, como creador literario, ta investiga e posibilidadnan y factibilidad di bo ambicion literario.  Por ehempel: desaroya un idea pa un buki riba un nivel substancial y artistico riba un nivel empresarial: ken lo publica esaki, ken lo haci esaki? Finalmente, gastonan di residencia o gastonan di biahe por ta un parti modesto di un peticion di subsidio.  
 
3. Actividadnan Literario   
E subsidio ta pa organisacionnan cu ta realisa actividadnan publico riba tereno di literatura.  Por ehempel, organisa festivalnan, competencia di skirbimento, programanan literario online y offline, literatura di bario y eventonan di microfon habri.  Esaki por inclui tambe actividadnan di promocion di lesamento cu ta tuma luga tanto paden como pafo di klas di scol, pa chikito y grandi, manera den biblioteca.   

Un aplicacion por conserni un categoria, pero tambe varios categoria na mes momento.   

Cuanto?

Creadornan literario individual por aplica pa un maximo di €25.000 na subsidio, y organisacionnan cultural por aplica pa un maximo di €50.000.

Con y ki ora por haci peticion?

Por aplica via un formulario online via e website di Fundacion Hulandes pa Literatura. Tene na cuenta: entre tanto, bo no por save e formulario. Lo bo haya un confirmacion di recepcion via email. E fondo ta procesa solamente aplicacionnan cu ta completa.  Si bo aplicacion ta completo, e lo ser entrega na e consehero(nan). Por entrega aplicacion desde 15 di januari 2025

Aki bo ta haya mas informacion tocante entrega un peticion na e Letterenfonds.

Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Letterenfonds corespondiente. E website aki ta disponibel na Hulandes, Ingles, Papiamentu i Papiamento.

Mas informacion

Preguntanan & contacto

Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.