Presentacion di Patrimonio Artistico
Pa ken?
Institucionnan di arte visual, museonan, luganan di arte, festivalnan y institucionnan di herencia, posiblemente den colaboracion cu otro partidonan.
Cu Presentacion di Herencia di Arte, e Mondriaan Fonds ta encurasha presentacionnan special di institucionnan riba tereno di arte visual y/o herencia cultural, loke ta fortalesé e relacion cu e publico y ta percura pa e rango di presentacionnan den su totalidad ta cuadra bon cu e composicion di e poblacion. Esaki ta regarda contribucionnan pa exposicionnan, festivalnan y otro formanan di presentacion cu ta bay mas leu cu lo custumbra y cu ta relevante pa arte visual contemporaneo y/o herencia cultural na Hulanda y/o e parti Caribense di Reino.
Pa kico?
Pa proyectonan special di arte visual y herencia di importancia nacional o cu un aparencia regional importante cu ta bay mas leu cu e programacion regular di un organisacion. E plan tambe mester duna ehempel of ta special den algun otro manera. Considera presentacionnan di trabou den un contexto special of trabou nobo cu mester wordo produci; desaroyando maneranan nobo di presenta; proyectonan colaborativo special y eventonan di herencia; proyectonan cu ta ofrece un perspectiva nobo riba desaroyonan social actual; fiansa special; yega na otro gruponan di meta; e uso di hermentnan interactivo, etc.
Cuanto?
Ta determina e cantidad di e contribucion pa cada peticion y esaki ta maximo 40% di e gastonan di proyecto variabel. E presupuesto minimo di e proyecto mester ta mas halto cu € 25.000 y no por inclui gastonan fiho. E contribucion promedio pa proyecto na 2020 tabata alrededor di € 45.000. Contribucionnan di € 75.000 of mas ta hopi excepcional. Por fabor tuma contacto cu Mondriaan Fonds si bo ke pidi un contribucion di e magnitud aki.
Con y ki ora por haci peticion?
Por haci peticionnan via e sistema di peticion online di Mondriaan Fonds na cualke momento di aña. Riba e website bo por haci peticion pa un cuenta cu bo mester di dje pa entrega un peticion. Por fabor tene cuenta cu un periodo di procesamento di 3 luna for di momento cu e peticion a wordo entrega completamente. Sinembargo, debi na e hopi aplicacionnan na e fondo, e tempu di procesamento por tuma mas largo. No por otorga un contribucion retro-activamente.
Aki bo ta haya mas informacion tocante entrega un peticion na e Mondriaan Fonds.
Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Mondriaan Fonds corespondiente. E website aki ta disponibel na Hulandes i Ingles.
Preguntanan & contacto
Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.
