Programa di Proyectonan Urbano
Pa ken?
E programa pa proyectonan urbano ta enfoca riba artistanan cu ta crea musica, teatro, baile, y presentacionnan di palabra papia, basa riba cultura urbano. E programa ta habri pa artistanan cu ta activo den nan propio ambiente, pero cu no a kibra ainda den e parti Caribense o Europeo di Hulanda.
Pa kico?
E subsidio ta destina como un contribucion na e gastonan di bo tempo, material, y servicio di otro partidonan pa desaroya y implementa e trabou nobo. Bo por inclui gastonan pa mercancia manera un laptop o microfon den e presupuesto, pero e Fondo no ta subsidia esaki. Por ehempel, bo por huur un studio o materialnan pa presentacionnan.
Cuanto?
Como persona, por aplica pa un maximo di 15.000 euro. Pa empresanan y colectivonan, por pidi un montante maximo di 25.000 euro. Pa determina e montante di e subsidio pa empresa y colectivonan, nos ta wak por ehempel e cantidad di artistanan den e compania o colectivo.
Con y ki ora por haci peticion?
Bo por aplica pa e subsidio aki henter aña, tanten cu e presupuesto di e Fondo ta suficiente ainda. Bo por ricibi un total di dos subsidio pa medio di e programa aki. Bo por entrega un peticion pa e Programa di Proyectonan Urbano via Mijn Fonds. Bo mester di un cuenta como ‘individuo’ pa esaki. Despues bo ta yena un formulario di inscripcion.
E formulario di inscripcion ta puntra ken bo ta como artista, kico bo a haci caba y kico bo kier haci awor (y cu ken). Tambe tin espacio pa agrega linknan na bo produccionnan (di musica) anterior o otro ehempelnan di bo trabou.
E Fondo lo evalua den seis siman si e solicitante y e proyecto ta cuadra den e Programa di Proyektonan Urbano. Si e evaluacion ta positivo, lo sigui un reunion cu empleadonan di e Fondo pa papia tokante e proyecto mas aleu. Despues un solicitante ta haya cuater siman pa desaroya e plan. Despues di entrega e plan, e Fondo tin como meta pa duna un decision riba e aplicacion den seis pa ocho siman (maximo di tres siman).
Un plan substancial ta wordo entrega como un adhunto PDF via Mijn Fondo. Den e plan bo ta contesta cinco pregunta cu ta aclara kico exactamente bo ta bay haci y con bo ta bay implementa e plan:
- Kico ta e resultado?
- Con bo ta traha?
- Ken ta bo publico y con lo bo alcansa nan?
- Splica pa kico bo ke usa e subsidio. Bo ta traha un presupuesto pa esaki.
- Bo tin imagen o material di scucha di e proyecto caba?
Aki bo ta haya mas informacion tocante entrega un peticion na e Fonds Podiumkunsten.
Bon pa sa
- Urbano ta un nomber colectivo pa formanan di musica, baile, y teatro contemporaneo cu ta wordo influencia pa desaroyonan (metro) urbano o social. E Fondo ke conecta mas tanto posibel cu loke ta pasando den e ambiente di artistanan, y pa e motibo aki ta habri pa varios iniciativa riba tereno urbano.
- Bo ta un artista emergente si bo no ta bon conoci ainda den e parti Caribense o Europeo di Hulanda. Cu un artista nos ke men un hende cu ta interpreta un presentacion o concierto, pero esaki ta inclui tambe un coreografo, productor, compositor o lirico. Como artista, bo a desaroya bo propio identidad caba y bo ta bay tuma un siguiente paso cla cu e proyecto o haci algo nobo. E no ta un proceso di investigacion. Artistanan tambe por cualifica pa sosten den e programa como un compania.
- A base di bo plan, bo ta traha pa un resultado concreto y publico. Un resultado publico por ta un presentacion, evento, concierto, EP, lansamento di album o gira.
- E proyecto di bo aplicacion mester ta completa den seis pa diesdos luna despues di e fecha di inicio di bo proyecto.
Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Fonds Podiumkunsten corespondiente. E website aki ta disponibel na Hulandes.
Preguntanan & contacto
Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.
