Promocion di Lesamento

Pa ken?

• Solamente instancianan cultural, organisacionnan cultural y entidadnan legal cu ta activo den Reino y cu ta produci y/of ehecuta actividadnan pa promove lesamento of actividadnan literario educativo por aplica pa subsidio.
• Scolnan, universidadnan y instancianan di gobierno no por pidi subsdio segun e acuerdo aki.
• Organisacionan cu a ricibi subsidio di mas di un aña di Fondo Literario, no por pidi subsidio dentro di e acuerdo aki pa 2025 y 2026.
• Un peticionario por pidi un maximo di un subsidio pa cada ronda di subsidio, pero e lo por ta involucra como colaborado den proyectonan di otronan. Di dos peticion? Si bo a yega di ricibi subsidio segun e acuerdo di Promocion di Lesamento, percura pa finalisa bo proyecto anterior prome cu e desicionnan keda anuncia. Esaki ta mas o menos cuatro pa seis luna despues cu e deadline pa entrega peticion.

Pa kico? 

Ta lesa menos y habiblidad di lesamento ta disminui. Esey ta un problema, pasobra lesamento ta amplia bo chens den sociedad, ta yuda bo den bo desaroyo y ta stimula pensamento critico. Pesey e Fondo Literario ta sostene proyectonan cu ta promove lesamento cu tin como meta pa, na un manera duradero, den consulta cu e sector, aporta na promocion di lesamento. Nos ta buscando specialmente proyectonan cu ta forma un complemento riba e opcionnan existente, por ehempel pasobra nan ta uza un concepto innovativo, ta digitalmente innovativo, ta drenta colaboracionnan nobo, ta sirbi un region nobo of un grupo meta cu ta menos conocí.

Cuanto?

Minimo €25.000 y maximo €50.000.  

Con y ki ora por haci peticion?

Bo por aplica via e website di Letterenfonds. Buelta 1: 20 Februari 2026 (18:59 ora di Caribe, 23:59 ora Hulandes) & buelta 2: 26 Juni 2026 (17:59 ora di Caribe, 23:59 ora di Hulanda). Pa proyectonan cu ta core entrante december 2026.

Aplicacionnan por wordo skirbi na Hulandes of Ingles. 

Cuminsa bo aplicacion via e website di Fundacion Hulandes pa Literatura. E periodo maximo de tratamento ta di bintidos siman. No por otorga un contribucion di forma retro activo. 

Aki bo ta haya mas informacion tocante entrega un peticion na e Letterenfonds.

Bon pa sa

Ta procesa solamente peticionnan cu ta completo. No ta procesa peticionnan cu ainda no ta completo riba e deadline.

Mas informacion tocante e condicionnan, criterionan di evaluacion y e informacion cu nos mester pa procesa bo peticion por wordo haya riba e website di e fondo nacional di cultura corespondiente. Via e boton akibou bo ta wordo manda bek na e areglo riba e website di Fondo pa Literatura Hulandes. E website aki ta disponibel na Hulandes, e formulario di aplicacion y e condicionnan di e areglo por wordo di download na Papiamento. 

Mas informacion