Snelloket

Pa ken?

E snelloket ta destina pa: companianan, gruponan di pop, conhuntonan, bandanan grandi, cantante-compositornan, artistanan, compositornan cu ta duna show o DJnan cu ta duna presentacion o conciertonan na luganan pafo di henter Reino (mira nota abou di ‘Bon pa sa’).  Y tambe pa compositornan, dramaturgonan, artisitanan o coreografonan cu a wordo invita pa presencia un presentacion di nan propio obra toca pa otronan pafo di henter Reino.  Den e caso aki, e compositor, dramaturgo, artista o coreografo no ta participa na e presentacion o concierto su mes.

Pa kico?

E subsidio ta un contribucion na gastonan di biahe, transporte y visa pa haci e biahenan aki posibel.  Gastonan di estadia y bishita no ta eligibel. 

Cuanto?

Subsidio pa duna presentacion o concierto pafo di henter Reino nunca ta mas cu e total di e gastonan di biahe, transporte y visa rasonablemente necesario cu un maximo di 6.000 euro den Europa y 10.000 euro pafo di Europa.  Gastonan di hotel y bishita no ta eligibel. 

Pa biahamento for di Corsou, Aruba, Boneiru, Saba, St. Eustatius y Sint Maarten, ta aplica un contribucion maximo di 6.000 euro pa biahamento pa un pais den Latino America y un contribucion maximo di 10.000 euro pa biahamento pafo di esaki.

Subsidio pa asisti na un o mas presentacion o concierto pafo di henter Reino nunca lo surpasa e total di e gastonan di biahe, transporte y visa rasonabelmente necesario di e compositor, dramaturgo, artista o coreografo en cuestion, cu un maximo di 3.000 euro.

Con y ki ora por haci peticion?

Bo por aplica pa e subsidio aki henter aña, tanten cu e presupuesto di e Fondo ta suficiente ainda.  Bo por entrega un peticion via Mijn Fonds pa realisa concierto/presentacionnan pafo di henter Reino Bo mester di un cuenta como ‘organisacion’ pa esaki.  Pa asisti na concierto/presentacionnan como compositor, dramaturgo, etc., bo mester di un cuenta como ‘individuo’.  Bo por aplica pa un subsidio no mas trempan cu cuater luna prome cu e prome actuacion y no mas tarda cu un luna despues di e prome actuacion pafo di henter Reino.

Aki bo ta haya mas informacion tocante entrega un peticion na e Fonds Podiumkunsten.

Bon pa sa

• Sint Maarten, Sint Eustatius, Saba, Corsou, Aruba y Boneiru ta forma parti di Reino Hulandes. Esaki ta nifica cu no ta posibel pa aplica gastonan di biahe pa biahamento entre un di e islanan y Hulanda Europeo.  E Fondo tin pensa di ahusta e areglo di subsidio pa haci e biahenan aki posibel. E ahuste lo drenta na vigor den e aña calendario 2025.
• E cantidad rekeri di actuacionnan cu un solicitante mester a realisa den pasado recien (por lo menos dies den e ultimo diesocho lunanan) tambe lo wordo ahusta na 2025. Cu esaki nos ke tene cuenta cu otro tipo di practicanan di actuacion riba Sint Maarten, Sint Eustatius, Saba, Corsou, Aruba, y Boneiro.  

Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Fonds Podiumkunsten corespondiente. E website aki ta disponibel na Hulandes.

Mas informacion

Preguntanan & contacto

Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.