Studio Caribe
Pa ken?
E areglo ta enfoca riba guionista, director y productor di Aruba, Corsou, Sint Maarten, Boneiro, Saba y Sint Eustatius, cu tin un idea cinematografico original pa desaroyo di un pelicula (hubenil) cortico.
Pa kiko?
Studio Caribe ta enfoca riba desaroyo y realisacion di pelicula (hubenil) cortico di e creadornan di e parti Caribense di Reino Hulandes. Den e caso aki, ta trata di e plannan cinematografico den e categorianan di ficcion, documental, cine experimental (min. 5 y max. 30 min) of animacion (min. 1 minuut).
Cu e Areglo di Tayer aki, Fondo Cinematografico ta ofrece e creadornan di Aruba, Boneiro, Corsou, Saba, Sint Eustatius of Sint Maarten espasio pa nan desaroya nan talentonan ainda mas y asina contribui na enrikecimento di e oferta cinematografico di historia original di y riba e islanan.
Kuantu?
Maximo € 10.000,- pa proyecto (€ 8.500 pa e creador, € 1.500 pa e productor). Bo ta uza e contribucion aki pa e plan cinematografico. Si bo proyecto, despues di su desaroyo, keda selecciona tambe pa realisacion: Maximo € 65.000, -. Despues di seleccion pa realisacion, ta realisa y entrega e pelicula dentro di un aña.
Kon i ki ora pa apliká?
Aplikashonnan pa e skema aki por wordu entrega dia di plaso prome ku 17:00 CET (of 12:00 GMT-4) via nos sistema di aplikashon online Frame, via e website di e Fondo di Film. Si ainda bo no tin e datonan di login, pidi un cuenta nobo prome. Pidi un cuenta nobo aki. Tene cuenta cu esaki por tuma dos dia di trabao.
Aki bo ta haya mas informacion tocante entrega un peticion na e Filmfonds.
Bon pa sa
- Un maximo di 12 plan cinematografico ta bini na remarca pa un contribucion di desaroyo. Di esakinan, un maximo di 6 plan cinematografico ta bini na remarca pa un contribucion di realisacion.
- Un comision compone cu ta consisti di representante di e parti Caribense di Reino lo evalua e peticion. Ta considera e peticionnan integralmente pa yega na un seleccion final den cua ta busca un distribucion riba e islanan y un composicion diverso di creador. *
- E director / gerente di e Fondo Cinematografico ta dicidi riba e peticion.**
- Bo a ricibi si un contribucion di desaroyo pa Studio Caribe, pero bo proyecto no a keda selecciona pa un contribucion di realisacion? E ora ei semper bo por wak si bo por manda e plan cinematografico na un di e otro areglonan di Fondo Cinematografico.
Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Filmfonds corespondiente. E informacion aki ta disponibel na Hulandes.
Preguntanan & kontakto
Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.
