Subsidio di Proyecto pa Proyectanan Literario y Literario-educativo
Pa ken?
Como organisacion Hulandes, tanto independientemente como den colaboracion cu partnernan di exterior, bo ta bini na remarke si bo ta un entidad huridico cu capacidad huridico completo na momento di aplicacion. Universidadnan, scolnan, bibliotecanan y esnan cu ta publica no por aplica pa un subsidio. Organisacionnan cu ya a haya un subsidio di varios aña (di cuater of dos aña) for di e Letterenfonds no ta bini na remarke pa e areglo aki. Organisacionnan cu ya a haya un subsidio di varios aña pa nan actividadnan for di un di e Fondonan Nacional di Cultura of via e Infrastructura Basico (BIS) tambe ta keda exclui for di e areglo aki.
Pa kico?
Cu e areglo aki, organisacionnan por aplica pa un subsidio pa actividadnan publico riba tereno di literatura y pa iniciativanan den scol o extracuricular cu ta promove lesamento di literatura. Nos ta duna prioridad na eventonan y actividadnan literario cu ta tuma luga pafo di e regionnan di Randstad.
Pa actividadnan publico riba tereno di literatura, of actividadnan den of extra-curricular caminda ta encurasha lesamento di literatura. Por pidi subsidio tambe pa proyecto y actividadnan den cua literatura Hulandes y internacional ta intercambia, y tambe pa proyectonan interdisciplinario y colaboracionnan cu institutonan social. E actividadnan of eventonan literario mester ta completa den un aña despues cu e subsidio a wordo otorga.
Cuanto?
Bo por aplica pa un subsidio di un minimo di € 7.500 y un maximo di € 40.000.
Con y ki ora por haci peticion?
Por haci aplicacion via e website di e Fundacion for di 2 di januari 2025 te cu 27 di januari 2025.
Aki bo ta haya mas informacion tocante entrega un peticion na e Letterenfonds.
Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di Letterenfonds corespondiente. E website aki ta disponibel na Hulandes.
Preguntanan & contacto
Bo tin pregunta tocante e areglo aki of tin algo cu no ta completamente cla? Por fabor tuma contacto ku e persona di contacto riba e pagina aki.
