Subsidio pa Desaroyo di Autor di Musica

Pa ken?

E subsidio aki ta destina pa autornan di musica (compositornan, productornan, etc.) cu ke inverti den nan desaroyo artistico profesional.  Tur genero di musica ta bini na remarke.

E personanan cu ta aplica mester tabata profesionalmente activo den arte riba podium den Reino Hulandes pa por lo menos dos aña y por demostra esaki cu un lista di obranan recien.  Autornan di musica cu ainda ta siguiendo formacion profesional di arte, na nivel di MBO, Bachelor o Master, no ta bini (ainda) na remarke.  Ya caba e cursonan aki ta brinda sosten pa desaroyo artistico.

Bo no mester a completa un educacion di arte.

Pa kico?

Bo por aplica pa e subsidio di desaroyo di autor di musica pa un proceso di desaroyo specifico y artistico.  E proceso aki ta dura un maximo di dos aña y ta consisti di investigacion cu mester conduci na trabou nobo.  Esaki por encera varios actividad cu ta parti di e proceso di desaroyo.

Ehempelnan di esaki ta:

•  Estudio propio o investigacion, por ehempel den repertorio, instrumentonan, musica electronico, musica folklorico o anotacion di musica.
•  Tempo pa crea composicionnobo, desaroyando e resultadonan di bo investigacion.  Bo por aplica pa un subsidio como compensacion pa bo trabou.
•  Colaboracion cu un coach y/o partner cu conocemento y calidad specifico riba tereno di musica.

Ta importante pa ta evidente con e actividadnan aki ta contribui na bo investigacion, trabou nobo y desaroyo artistico.

Cuanto?

E montante di subsidio ta 9.500 euro pa aplicacion. Esaki ta un montante fiho pa un periodo di trabou te cu dos aña.

Con y ki ora por haci peticion?
Tin dos rond di aplicacion pa aña, normalmente den primavera y herfst.  Bo por entrega un peticion solamente un biaha pa aña y haya un subsidio maximo un biaha cada dos aña.

Bo ta entrega bo peticion via Mijn Fonds. Pa esaki bo mester:

• Un cuenta como ‘individuo’.
• Un formulario di aplicacion completa.
• Un plan di proyecto substancial (pdf).
• E anexonan pidi.

Despues di bo peticion bo ta wordo notifica si e ta bini na remarke pa un subsidio.  Si ta asina, lo bo haya un decision por escrito via Mijn Fonds denter di diestres siman.

Bon pa sa

E aplicacion lo wordo evalua riba:

• Con bo plan ta contribui na bo desaroyo artistico.
• E nificacion di e resultado di e actividadnan pa e arte di actuacion.
• E contribucion na e diversidad di e oferta di arte riba podium.

Wak e guianan y splicacionnan util aki riba nos website tocante kiko bo plan di proyecto mester inclui tocante e criterionan aki.

Bo ke conseho? Bo por entrega un concepto di plan na nos te cu tres siman prome cu e fecha limite.  Despues lo bo haya comentario y tipnan pa mehora bo plan prome cu bo entrega e version final.

Tuma nota: E subsidio aki no ta destina pa finansa gastonan di produccion di un EP o album.  Traha un EP o album riba su mes no ta un meta di e areglo aki.

Mas informacion tokante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Fonds Podiumkunsten corespondiente. E website aki ta disponibel na Hulandes. 

Mas informacion

Preguntanan & contacto

Bo tin pregunta tocante e areglo aki o tin algo cu no ta completamente cla? Por fabor tuma contacto cu e persona di contacto riba e pagina aki.