Areglonan

Hopi mucha i hóben afektá pa e Asuntu di Kompensashon te ku awor no por a partisipá (mashá) na aktividatnan kultural. E areglo akí ta duna institutonan i trahadónan independiente sin personal e oportunidat pa enbolbí nan na esaki via proyektonan kultural, artístiko i sosial.

Supsidio pa proyekto pa organisashon di un edishon di festival di pelíkula òf pa dos edishon (den dos aña) di e mesun festival anual di pelíkula. E meta ta pa stimulá e distribushon, desaroyo di konosementu, profilashon i promoshon di e pelíkula profeshonal den Reino Hulandes.

Pa organisashonnan sin intenshon lukrativo ku ta produsí i ehekutá aktividatnan pa promoshon di lesamentu i edukashon literario. E kontribushon ta pa proyektonan inovativo ku ta stimulá plaser di lesamentu, stimulá lesamentu/skuchamentu di literatura, òf pa proyektonan den kua partisipantenan mes ta skirbi òf presentá.

Pa artistanan visual ku ta aktivo profeshonalmente pa mas ku 4 aña. Bo por usa e kontribushon entre otro pa krea obra, investigashon, eksperimento, tareanan, partisipashon na un eksposishon òf kompra di material.

E Areglo Festivalnan i presentashonnan públiko ta pa institutonan òf organisashonnan kultural ku ta organisá programanan públiko riba tereno di diseño, arkitektura òf kultura digital. E areglo ta sostené proyektonan ku ta kontribuí na un alkanse públiko mas grandi i ta profundisá e interes pa e industria kreativo.

Pa artistanan visual ku ta aktivo profeshonalmente pa 1 te 4 aña. Bo por usa e kontribushon entre otro pa krea obra, investigashon, eksperimento, tareanan, partisipashon na un eksposishon òf kompra di material.

Areglo di pelíkula kòrtiku pa kreadornan di e islanan karibense. Ku esaki nan por desaroyá nan talentonan, esaki ta kontribuí na enrikesimentu di e oferta di pelíkula di kuentanan original for di i riba e islanan.

Ku e areglo akí organisashonnan por hasi petishon pa un supsidio pa aktividatnan públiko riba tereno di literatura i pa inisiativanan den òf pafó di skol ku ta promové lesamentu di literatura.

Scout Night ABCSS ta pa diseñadónan òf kreadornan nobo, ku ta establesé na Aruba, Boneiru, Kòrsou, Saba, Sint Eustatius òf Sint Maarten. Via di un presentashon di nan obra, nan tin e oportunidat pa gana un beka ku kua nan por profundisá i profeshonalisá nan práktika.

E areglo akí ta stimulá desaroyo i ehekushon di proyektonan ku ta kontribuí na mas i mihó edukashon kultural na e islanan Boneiru, Saba i Sint Eustatius. Esaki ta konektá na e vishon di enseñansa di skolnan primario, speshal, sekundario i di enseñansa profeshonal sekundario.

Pa kreadornan literario profeshonal (nobo) i organisashonnan ku ta establesé den Karibe. E kontribushon ta pa traha buki (novela, kolekshon di poesia, novela gráfiko, buki di imágen), pa tradukshonnan, pa obra literario riba tarima manera palabra papiá, digital (podcast, oudiovisual), trayektonan pa desaroyo di talento literario i aktividatnan literario.

Pa artistanan ku ta invitá pa duna presentashonnan i konsierto pafó di henter Reino. Pa, por ehèmpel, kompositornan tambe ku ta invitá pa presensiá un presentashon di nan propio obra. E supsidio ta duna un kontribushon na e gastunan di biahe, visa i transporte.

E Areglo Arkitektura ta pa arkitektonan, kuratòrnan, agensianan di diseño, institushonnan òf organisashonnan kultural ku ta traha riba tereno di arkitektura.

Pa proyektonan speshal di arte visual i patrimonio ku ta di interes nashonal òf ku un imágen regional importante ku ta superá e programashon regular di un organisashon.

Pa kreadornan literario ku a krea por lo ménos 1 proyekto òf obra literario ku un produktor profeshonal. Por usa e kontribushon pa gastunan di skirbi i e gastunan di proyekto di palabra papiá, kontamentu di kuenta, obra literario digital (podcast, video).

E Areglo Diseño ta pa diseñadónan, kreadornan, kuratòrnan, agensianan di diseño, institushonnan òf organisashonnan kultural ku ta traha riba tereno di diseño. E areglo akí ta sostené proyektonan artístiko òf kultural ku ta kontribuí na e kalidat, desaroyo òf profundisashon di e tereno.

Pa artistanan nobo òf gruponan ku ke tuma e siguiente stap den nan karera riba tereno di baile, teatro òf músika den e kultura urbano. E supsidio ta duna un kontribushon na e desaroyo di obra (nobo) i un presentashon en bibu.

Pa organisashonnan ku a krea i interpretá algun produkshonnan kaba manera presentashonnan i konsiertonan. E supsidio ta duna un kontribushon pa kreashon (òf reanudashon) i ehekushon di presentashonnan i konsiertonan.

Areglo di pelíkula kòrtiku (fikshon i dokumental) pa proyektonan original, urgente i outéntiko di direktornan prinsipiante òf eksperensiá ku ta buska nan propio estilo kaminda eksplorashon sinematográfiko ta para sentral. Tin ambishon internashonal i un potensial pa alterná festival.

E Areglo Kultura Digital ta pa kreadornan, kuratòrnan, agensianan di diseño òf institushonnan kultural ku ta traha riba tereno di kultura digital. E areglo akí ta sostené proyektonan artístiko òf kultural ku ta kontribuí na e kalidat, desaroyo òf profundisashon di e tereno.

Pa artistanan visual ku ta trahando profeshonalmente pa por lo ménos 1 aña. E kontribushon ta pa un plan spesífiko, mará na un periodo di trabou klaro. Por ehèmpel, pa obra nobo, un kolaborashon, un investigashon, un internat, un periodo di biahe òf un periodo di trabou.

E beka pa traduktornan literario nobo ta pa esnan ku a sera nan promé kontrakt di tradukshon na un kas di publikashon (yamá kontrato modelo GAU). E beka pa desaroyo ta pa traduktornan ku ya a risibí por lo ménos 1 beka di tradukshon pa traduktornan (nobo) i ke sigui desaroyá nan mes komo traduktor literario profeshonal.

Un areglo di tayer pa kreadornan outodidakto di tur region di Reino Hulandes. Kreadornan ta risibí un kontribushon pa desaroyo di un pelíkula kòrtiku i nan ta risibí tambe guia i tayernan den kolaborashon ku e sentronan di talento den region.