Entregá un petishon na Filmfonds

Bo por pidi supsidio na Filmfonds pa diferente fase di produkshon di pelíkula, distribushon i aktividatnan di pelíkula. E areglonan ta partí den e kategorianan di pelíkula, dokumental, animashon, investigashon & eksperimento, pelíkula kòrtiku, e Production Incentive Film & Series, distribushon, aktividatnan di pelíkula i medidanan di sosten pa COVID-19.  

Petishonnan

Bo por entregá un petishon na Filmfonds dor di entregá e formulario di petishon ku aneksonan via nos sistema di petishon Frame. Bo petishon ta bálido ora bo bai di akuerdo ku nos kondishonnan den e formulario. Ta trata solamente petishonnan kompletamente yená. Hasi uso di e checklist akí promé ku bo entregá bo petishon, pa asina bo ta sigur ku esaki lo wòrdu tratá. 

Pa entregá e petishon digital, bo ta subi riba Frame. Si bo no tin datonan pa inisiá seshon ainda, hasi un petishon pa un kuenta di usuario nobo promé. Pidi un kuenta di usuario nobo aki. Tene kuenta ku esaki por dura dos dia di trabou. 

Evaluashon

Filmfonds ta selektá base di un oferta di pelíkula di kalidat haltu, distintivo i diverso. Esaki ta nifiká ku nos ta evaluá bo petishon na diferente manera. Na promé lugá, ta kontrolá si bo dokumentonan ta kompletu i si bo ta kumpli ku e kondishonnan spesífiko di e areglo pa kua bo a hasi petishon. Despues lo evaluá bo petishon riba tres aspekto

• E kalidat di bo plan di pelíkula 

• Bo estado di trabou. Kiko abo i bo tim kreativo ta ofresé?  

• E kontribushon na un klima diverso di pelíkula. Te kon leu bo plan di pelíkula ta kontribuí na un oferta diversifiká di pelíkula i ta fortalesé e industria di pelíkula hulandes?  

Ora ta evaluá e kalidat di e kontenido di un plan di pelíkula, e fondo ta mira for di diferente ángulo. 

• Originalidat: te kon leu bo plan ta distintivo òf inovativo den e oferta di pelíkula eksistente? 

• Urgensia: e nifikashon personal òf sosial di bo plan i bo vishon i motivashon ta konvinsente? 

• Outentisidat: e kredibilidat di e arena skohé, e temátika i e personahenan deskribí den e plan di pelíkula ta konvinsente i ta klaro kon e kredibilidat ei ta wòrdu garantisá (durante e proyekto)? 

• Poder ekspresivo: e poder ekspresivo ku ta bisto entre otro for di e temátika, struktura, personahenan i desaroyo di kuenta ku bo a skohe, ta konvinsente? 

• Kalidat sinematográfiko: te kon leu e vishon di e forma i estilo deseá ta indiká un kalidat sinematográfiko konvinsente? 

• Vishon públiko: pa ken bo ta traha e pelíkula akí? Kiko ta bo vishon tokante e posishon di e pelíkula kompará ku e oferta di pelíkula eksistente i e públiko deseá? 

• E tim kreativo: e tim kreativo ta komplementá otro bon den eksperensia, artesania i komposishon? E manera di traha ta ekspresá e individualidat di e estilo artístiko di e kreadornan i abilidat pa hasi e estilo ei rekonosibel? 

Nos no ta evaluá e elementonan akí separá for di otro komo un checklist, pero semper huntu ku e vishon di e plan di pelíkula di e guionista, direktor i/òf produktor i e plan di trabou kompletu. Ke men, kua elementonan di e plan di pelíkula ta desisivo pa e evaluashon, por ta diferente pa kada plan di pelíkula. 

Filmfonds ta aspirá pa tuma un desishon denter di aproksimadamente 8 siman despues di risibí bo petishon, ku eksepshon di e periodo di fakansi durante verano i Pasku. Bo ta wòrdu informá por eskrito tokante e desishon.  

Pa mas informashon wak riba www.filmfonds.nl/hoe-het-werkt.