Entregá un petishon na Fonds voor Cultuurparticipatie

Hasi petishon

Ta hasi un petishon pa supsidio di Fonds voor Cultuurparticipatie den e sistema ‘Mi Fondo’. Promé biaha bo ta hasi petishon pa un supsidio? Krea un kuenta di usuario promé (esaki lo dura un máksimo di 5 dia di trabou). Despues di aktivá bo kuenta di usuario, bo por mira kua areglonan ta habrí riba e página ‘Pidi supsidio’ den ‘Mi Fondo’.  

Despues bo ta klek riba e areglo ku ta aplikabel pa bo proyekto i bo ta kuminsá ku bo petishon. E petishon pa supsidio no mester bai den un biaha. ‘Mi Fondo’ ta warda bo progreso.  

Ora bo ta kla, bo ta manda bo petishon digitalmente i bo ta risibí un konfirmashon mesora via e-mail. Esaki ta nifiká ku nos a risibí e petishon na òrdu. Despues di esaki e konseheronan di supsidio lo wak bo petishon. Si esaki ta kompletu i ta kumpli ku e kondishonnan, lo trata e petishon.  

• Pa e areglonan pa kua bo por hasi petishon kontinuamente, nos lo purba di laga bo sa denter di 14 dia si bo petishon lo wòrdu tratá.   

• Den kaso di areglonan ku un último fecha pa entregá, nos lo purba di laga bo sa denter di 14 dia despues di e fecha final si lo trata bo petishon.     

Kasi semper nos ta trata petishonnan na sekuensia di entrega. P’esei ta posibel ku e presupuesto a kaba na momentu ku nos bai evaluá bo petishon. Den e kaso akí bo ta risibí un rechaso sin evaluashon. P’esei, sòru pa bo ta na tempu i no warda te e fecha di klousura di e areglo.  

Evaluashon

Lo evaluá e kontenido di bo petishon.   

• Kasi semper petishonnan te ku € 25.000 ta keda evaluá dor di e konseheronan interno di e fondo.  

• Pa petishonnan ku ta surpasá € 25.000, e fondo ta enbolbí un komishon di konseho. Den e komishon akí tin spesialistanan ku konosementu tokante diferente disiplinanan riba tereno di partisipashon kultural i edukashon kultural.  

E konseheronan interino òf e komishon di konseho ta evaluá si bo petishon ta kumpli ku e kriterionan di e areglo. Despues nan ta konsehá e direktiva di Fonds voor Cultuurparticipatie si ta otorgá bo petishon òf nò. 

Tumamentu di desishon

Mayoria biaha bo ta tende denter di 13 siman si bo petishon ta wòrdu honrá. Riba e wèpsait, na e areglo bo ta haña e periodo di reakshon ku ta pertenesé na bo areglo.  

Den kaso ku honra bo petishon, bo ta haña e suma di e montante otorgá i informashon tokante e prosedura adishonal den e karta di stipulashon. Lamentablemente, nos tin ku rechasá petishonnan tambe. Den e karta di stipulashon bo por lesa dikon.  

Si bo proyekto a keda aprobá, bo ta risibí un mensahe via Mi Fondo. Esei yama un stipulashon di supsidio. Esaki ta kontené tur informashon relevante tokante e relato di bo proyekto. E informashon akí ta prinsipal.