Entregá un petishon na Stimuleringsfonds Creatieve Industrie

Bo por entregá un petishon pa supsidio na Stimuleringsfonds Creatieve Industrie via nos sistema di petishon. Bo mester di un kuenta di usuario pa esaki. Sòru pa bo pidi bo datonan pa inisiá seshon na tempu. Ta dura un dia di trabou promé ku un kuenta nobo ta aktivá. 

Den e sistema di petishon bo ta duna informashon relevante tokante bo proyekto i bo ta yena algun datonan personal. Ademas, aki bo ta upload e dokumentonan ku nos a pidi, manera un presupuesto òf un plan di proyekto. Loke nos tin mester di bo pa evaluá bo petishon ta varia pa kada areglo. P’esei, kontrolá bon ta kua dokumentonan nos ta pidi. 

Petishonnan ku ta kumpli ku tur e eksigensianan formal, ta keda presentá na un komishon di konseho independiente. Mas o ménos diesun siman despues di e fecha di klousura, bo ta risibí un mensahe via e-mail tokante e resultado di bo petishon.