Filmfonds

Nederlands Filmfonds ta e fondo cultural nacional pa e sector di pelicula profesional, independiente na Hulanda y e parti Caribense di Reino y ta provee ​​contribucionnan financiero pa desaroyo, realisacion y distribucion di produccionnan pelicula y actividadnan relaciona cu pelicula.   

Kico nos ta haci
E Filmfonds ta financia peliculanan cu ta contribui na un rango varia y distintivo di peliculanan Hulandes pa un publico diverso.  Esaki ta nifica cu nos ta haci produccionnan posibel cu tur tipo di diferente historia, pa grandi y chikito, e fanatico di pelicula, pero tambe pa hendenan cu ta bay cine den bes en cuando, den tur skina y region: di Maastricht te na Texel, di Groningen te na Boneiro. A base di nos mision social, nos ta stimula cultura di pelicula den e sentido mas amplio di e palabra: for di peliculanan largo pa VR, for di peliculanan experimental pa mucha y famia, for di documentalnan pa animacion pa centronan di educacion di pelicula y areanan di talento regional. Nos no solamente ta enfoca riba creadornan proba, pero nos ta encurasha tambe talento emergente y bosnan nobo, cu no a wordo scucha anteriormente.   

Banda di produccionnan di pelicula, nos ta financia actividadnan di pelicula riba tereno di desaroyo di talento y educacion di pelicula den henter Hulanda.  E actividadnan di pelicula aki ta provee ​​un area valioso riba cua peliculanan y cineastanan por florece.  E accesibilidad di e variedad di peliculanan Hulandes ta central.  Tambe nos ta fortalece e infrastructura regional pa aumenta e accesibilidad di e sector di pelicula pa cineastanan di Reino Hulandes y cuentanan di e region.     

Actividadnan internacional
E Filmfonds ta organisa actividadnan internacional cu e meta pa amplia y profundisa e red internacional di e sector y e profiel di talentonan y proyectonan na laboratorionan internacional, festivalnan y mercadonan di co-produccion. E departamento internacional ta inclui tambe e Comision di Pelicula di Hulanda, e punto di servicio pa productornan di exterior cu kier realisa (partinan di) nan produccion na Hulanda.   

SEE NL
Pa e promocion internacional di peliculanan Hulandes, nos ta traha hunto cu Eye Filmmuseum abao di e nomber SEE NL. SEE NL ta boga pa aumenta e visibilidad di peliculanan Hulandes y mehora e posicion di peliculanan Hulandes riba mercado internacional. SEE NL ta presente na festivalnan internacional di pelicula y mercadonan di produccion como un conocemento central y punto di contacto pa cine Hulandes.