Fonds Podiumkunsten

Fonds Podiumkunsten ta un di e 6 fondonan di kultura di Reino i ta sostené artistanan profeshonal den nan trabou. E Fondo tei pa artenan di riba tarima den tur área: músika, (músika di) teatro, baile i festivalnan. Nos ta invertí den desaroyo artístiko i ta sostené e produkshon, presentashon i promoshon di artenan profeshonal hulandes di riba tarima. Tambe nos ta stimulá eksplorashon di e límitenan di disiplinanan. 

Na nòmber di Reino i den konekshon ku e tereno, nos ta invertí den un klima di arte riba tarima fuerte i bibu pa generashonnan aktual i di futuro. Nos ta dirigí nos mes riba henter Hulanda i e parti karibense di Reino, i ta stimulá artenan hulandes di riba tarima den un konteksto internashonal.  

Ken nos ta sostené?

Nos tei pa artistanan profeshonal di riba tarima. Ku esei nos ke mèn en todo kaso lo siguiente: 

• Músikonan, kreadornan di teatro i bailadónan ku ta ekshibí nan trabou por ehèmpel riba tarimanan i na festivalnan. Esaki ta konta pa konhuntonan òf kolektivonan di kreadornan tambe. Nos ta sostené petishonarionan di for di 18 aña di edat; 
• Komo artista profeshonal di riba tarima bo meta prinsipal ta pa presentá bo obra en bibu dilanti di un públiko. Nos ta kontribuí gustosamente ku esaki. Lokual ku nos komo Fondo no ta sostené ta proyektonan ku ta dirigí riba partisipashon di boluntario i edukashon. Pa esaki bo por tuma kontakto ku Fonds voor Cultuurparticipatie;  
• Idealmente, bo ta haña un kompensashon finansiero pa e obra ku bo krea òf ehekutá i bo ta traha huntu ku otro profeshonalnan di artenan di riba tarima.  
• Sigui un estudio di arte no ta un kondishon. Kreadornan outodidakto tambe por aserká nos pa konseho (tokante supsidio).  
• Nos tei pa tarimanan i festivalnan ku ta programá presentashonnan/konsiertonan profeshonal. Esaki ta trata di presentashonnan/konsiertonan di artistanan di riba tarima, manera nos a deskribí aki riba.  

Pidi un konsulta pa konseho

Bo ta duda si bo ta bini na remarke pa un supsidio òf bo tin pregunta tokante bo situashon spesífiko i kon esaki ta konektá ku nos posibilidatnan di supsidio? Sinti bo liber pa pidi un konsulta pa konseho ku un di nos personanan di kontakto: Kaajal Bachoe.