Letterenfonds
Nederlands Letterenfonds ta e fondo públiko pa literatura na hulandes, friso, papiamentu, papiamento i idioma di seña hulandes. Letterenfonds ta un di e 6 fondonan pa kultura ku ta wòrdu finansiá dor di Reino. E fondo ke kontribuí na un sosiedat bon lesá, inteligente i kreativo den kua e ròl di literatura, di eskritornan i traduktornan, ta wòrdu rekonosé i apresiá.
Nos ta konvensí ku literatura ta forma, entretené, stimulá pensamentu krítiko, i tambe ta di gran balor mas leu di e buki. Riba enkargo di minister di OCW, e fondo ta responsabel pa promové e kalidat i diversidat den literatura i promoshon den interior i den eksterior.
E fondo ta duna supsidio na eskritornan, traduktornan, publikadónan, revistanan i festivalnan i ta komprometé su mes na un klima literario riku i diversifiká, ku bista riba patrimonio literario i desaroyonan nobo den sekshon di buki i kultura literario.
