Mondriaan Fonds

Mondriaan Fonds ta e fondo di stimulashon pa e sektor di arte visual i patrimonio na Hulanda i e parti karibense di Reino. Ku mas di 65 koleganan enbolbí i un grupo variante di konseheronan riba e tereno, nos ta sòru pa bo petishon pa supsidio wòrdu prosesá kuidadosamente i nos ta organisá diferente aktividatnan. 

Pa aña nos ta invertí mas o ménos 35 mion euro na nòmber di Ministerio di OCW den sentenáres di aktividatnan, proyektonan i programanan di kasi 1.100 petishonario. Anualmente nos ta prosesá mas ku 2.800 petishon pa supsidio i ta sòru kontinuamente pa un sektor di arte visual i patrimonio sólido i representativo. 

Di e forma akí nos ta kontribuí na e plannan di artistanan, kuratòrnan i e realisashon di proyektonan i aktividatnan di museonan i otro institutonan di patrimonio, tarimanan di arte, archivonan, galerianan i dunadónan di enkargo den interior i den eksterior. Nos ta sòru pa sosten, fluho, inovashon, desaroyo di talento i aktivamente ta buska kontakto ku e públiko i tur region di Reino. Ademas, nos ta responsabel pa e kontribushon hulandes na e Bienal di Venesia, nos ta organisá e Prix de Rome, e eksposishon di talento ‘Prospects’ durante Art Rotterdam i nos ta sòru pa interkambio internashonal den forma di biahenan organisá i un programa aktivo pa bishitante. Nos ta stimulá hasimentu di investigashon i skirbimentu di komposishonnan.