Stimuleringsfonds Creatieve Industrie

E Areglo Kultura Digital ta pa kreadornan, kuratòrnan, agensianan di diseño òf institushonnan kultural ku ta traha riba tereno di kultura digital. E areglo akí ta sostené proyektonan artístiko òf kultural ku ta kontribuí na e kalidat, desaroyo òf profundisashon di e tereno.

E Areglo Diseño ta pa diseñadónan, kreadornan, kuratòrnan, agensianan di diseño, institushonnan òf organisashonnan kultural ku ta traha riba tereno di diseño. E areglo akí ta sostené proyektonan artístiko òf kultural ku ta kontribuí na e kalidat, desaroyo òf profundisashon di e tereno.

E Areglo Arkitektura ta pa arkitektonan, kuratòrnan, agensianan di diseño, institushonnan òf organisashonnan kultural ku ta traha riba tereno di arkitektura.

Scout Night ABCSS ta pa diseñadónan òf kreadornan nobo, ku ta establesé na Aruba, Boneiru, Kòrsou, Saba, Sint Eustatius òf Sint Maarten. Via di un presentashon di nan obra, nan tin e oportunidat pa gana un beka ku kua nan por profundisá i profeshonalisá nan práktika.

E Areglo Festivalnan i presentashonnan públiko ta pa institutonan òf organisashonnan kultural ku ta organisá programanan públiko riba tereno di diseño, arkitektura òf kultura digital. E areglo ta sostené proyektonan ku ta kontribuí na un alkanse públiko mas grandi i ta profundisá e interes pa e industria kreativo.