Kon mi por hasi petishon?

Huntu e fondonan di kultura di reino ta finansiá tur disiplinanan kultural dor di ofresé areglonan di supsidio. Si bo ta traha den e sektor kultural, e ora ei posiblemente bo por pidi supsidio na un di e fondonan akí. Paga tinu, no ta tur hende ta bini na remarke pa finansiamentu. Na tur areglo tin kondishonnan stipulá ku bo tin ku kumpli kuné pa por entregá un petishon (un petishon pa sosten finansiero). E kondishonnan akí ta menshoná na e areglo. Den e petishon bo ta menshoná mas kla ku ta posibel, di ki manera bo plan ta kumpli ku e kondishonnan stipulá.  

Entregá petishon

Bo ta entregá un petishon via di e wèpsait di e fondo ku ta konektá mas mihó ku bo plannan. Bo ta hasi esaki via di un formulario digital. Tin biaha tin un fecha final, tin biaha bo por hasi petishon durante henter aña. Esaki ta menshoná na e areglo. E fondo ta manda e petishonnan ku drenta pa un areglo pa un komishon di konseho.
E konseheronan ta evaluá e petishonnan ku a drenta a base di e kondishonnan ku a stipulá adelantá. Tin biaha e komishon ta duna un konseho positivo. E ora ei bo ta haña un otorgamentu i bo por kuminsá ku bo plannan. Tin biaha e komishon ta duna un konseho negativo. E ora ei bo no ta haña finansiamentu. Bo por purba atrobe despues. Tin biaha tin un konseho positivo di e komishon, pero tin muchu tiki presupuesto. E ora ei tambe tin e chèns ku bo no ta haña finansiamentu pa bo plannan.

Selekshon areglonan

No ta tur ora ta fásil pa haña e areglo di supsidio adekuá pa bo plannan si bo ta establesé na e islanan ABCSSS. Riba e wèpsait akí e 6 fondonan di kultura di reino ta yuda bo ku un selekshon di e posibilidatnan di supsidio. Di e manera ei bo ta bai dirigí na e wèpsait di e fondo korekto. Ei bo ta haña e bista general di areglonan pa bo tereno(nan) di ekspertisio.