Portrètnan den forma di video di proyektonan ku ta haña sosten

Riba e página akí bo ta haña videonan* di proyektonan riba e islanan ABCSSS ku a risibí supsidio for di e fondonan di kultura di reino. Den e videonan, kreadornan i inisiadónan kultural ta papia tokante e plannan pa kua nan a risibí sosten. Nan ta kompartí kon nan a atendé nan petishon i kiko nan eksperensia ta. E intenshon di e videonan ta pa inspirá bo. Kisas bo proyekto tambe ta bini na remarke pa supsidio di un fondo di kultura di reino.

* Keda pendiente! Nos ta filma potrètnan den forma di video riba tur e islanan ABCSSS. Pronto lo tin mas video.

Produkshon: Wendy York (Curaçao), Editá di video: Content Media Group (Curaçao).

Kaya Kaya

Kaya Kaya

Tur aña Stichting Kaya Kaya ta organisá e festival Kaya Kaya den Otrobanda, Kòrsou, ku arte visual i presentashonnan bibu. Banda di esei e fundashon ta dirigí su mes riba placemaking i desaroyo urbano. Den e video akí direktor Kurt Schoop ta kompartí su eksperensianan ku entrega di petishonnan pa supsidio na entre otro Fonds voor Cultuurparticipatie, Mondriaan Fonds i Stimuleringsfonds Creatieve Industrie, i ta duna tepnan útil. 

Videógrafo: iCraft Filmz

Brian Dekkers

Brian Dekkers

Músiko Brian Dekkers a pidi supsidio pa su proyekto ‘4 AM’, ku e meta pa realisá su ambishonnan internashonal. Danki na e supsidio di Fonds Podiumkunsten el a haña e chèns pa traha huntu ku diferente músikonan internashonal i halsa su trabou na un nivel mas haltu. 

E proyekto akí ta sostené via di e areglo Programa proyektonan urbano.

Videógrafo: iCraft Filmz

Fundashon Lesa Ta Dushi

Fundashon Lesa Ta Dushi

Monica Clarinda di Fundashon Lesa ta Dushi ta konta tokante nan eksperensia ku petishon di supsidio pa un proyekto pa promoshon di lesamentu. Nan a haña finansiamentu di Letterenfonds. Fundashon Lesa ta Dushi ta organisá entre otro workshopnan di skirbimentu kreativo na skolnan primario i sekundario na Boneiru.

Bo ke hasi petishon pa supsidio pa un proyekto komparabel? Kisas e areglo Promoshon di lesamentu ta interesante pa bo.  

Videógrafo: Studio Pineda

BONAI Foundation

BONAI Foundation

Lauriane Ammerlaan di Fundashon BONAI (Bonaire Archeological Institute) a pidi supsidio pa e proyekto “Muhénan di Boneiru” i a risibí un kontribushon finansiero for di Fonds voor Cultuurparticipatie. Den e video akí, Lauriane ta kompartí su eksperensia na ora di entregá un petishon i ta duna bo tep!

Videógrafo: Studio Pineda