Areglo Festivalnan Industria Kreativo
Pa ken?
Pa institushonnan kultural òf organisashonnan ku ta organisá festivalnan, ku un funshon públiko importante, den e konteksto di e industria kreativo hulandes.
Pa kiko?
Pa e preparashon, organisashon i ehekushon di festivalnan ku ta kontribuí na engrandesé i profundisá e alkanse públiko i e interes pa i desaroyo di e industria kreativo, esei ke men e terenonan diseño, arkitektura i/òf kultura digital.
Kuantu?
Por hasi petishon pa supsidio di un mínimo di € 35.000 i un máksimo di € 85.000.
Kon i ki ora por hasi petishon?
E Areglo Festivalnan Industria Kreativo tin un ròndu di supsidio pa aña. Riba e wèpsait di Stimuleringsfonds bo ta haña e fechanan final, un manual amplio i e dokumento ofisial di e areglo.
Pa bo petishon bo ta traha entre otro un plan di proyekto, planifikashon i presupuesto. Den e Areglo Festivalnan Industria Kreativo bo ta haña un bista general di tur e dokumentonan rekerí. E petishonnan ta wòrdu evaluá pa un komishon di konseho. Tene kuenta ku un periodo di tratamentu di diesun siman despues di e fecha di klousura.
Aki bo ta haña mas informashon tokante entrega di un petishon na Stimuleringsfonds Creatieve Industrie.
Ta bon pa sa
Festivalnan ku ta tuma lugá den e parti karibense di Reino no mester kumpli ku e eksigensia di un alkanse públiko mínimo.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Stimuleringsfonds Creatieve Industrie. E informashon akí ta disponibel na hulandes i ingles.
Preguntanan & kontakto
Algu no ta klaro? Hasi bo pregunta via e-mail na nos koleganan di e Areglo di Festivalnan via festivals@stimuleringsfonds.nl. Tambe bo por yama e number di telefòn +31 10 436 16 00. Bo tin un pregunta mas general, e ora ei wak e preguntanan frekuentemente hasí promé
