Artistanan visual ku ta trahando profeshonalmente pa 4 aña òf mas.
Pa kiko?
Bo por usa e kontribushon pa krea obra. Pensa riba investigashon, eksperimento, kompra di material i aparatonan. Òf na elaborashon di un enkargo i na partisipashon na eksposishonnan i manifestashonnan den interior i den eksterior.
Kuantu?
€ 44.000. Ta paga e montante akí distribuí den por lo ménos 2 i un máksimo di 4 aña.
Kon i ki ora por hasi petishon?
Por hasi petishon na kualke momentu di aña via e sistema di petishon online di Mondriaan Fonds. Riba e wèpsait bo por hasi petishon pa un kuenta, kual bo tin mester pa por entregá un petishon. Tene kuenta ku un periodo di tratamentu di 3 luna for di e momentu ku a entregá e petishon kompletu. No por otorgá un kontribushon ku forsa retroaktivo.
Aki bo ta haña mas informashon tokante entrega di un petishon na Mondriaan Fonds.
Ta bon pa sa
Bo ta aktivo profeshonalmente komo artista pa ménos ku 4 aña? E ora ei Komienso Artista ta e areglo adekuá pa bo.
Bo por skohe si bo ke distribuí e kontribushon riba 2 aña òf 4 aña.
No mester entregá un presupuesto ku e petishon. Bo por usa e kontribushon na bo mes diskreshon na desaroyo di bo práktika.
Estudio i práktika di trabou
E petishonario mester ta trahando 4 aña òf mas komo artista visual. Un estudio di arte no ta rekerí pa bini na remarke pa Artista Básiko.
Artistanan ku a sigui un estudio di hbo pa arte visual, no por hasi petishon mas promé ku 4 aña despues di a bandoná e akademia. Periodonan den kua e artista a sigui un estudio di master den arte visual no ta konta pa e periodo di práktika profeshonal.
Periodonan den kua e petishonario a partisipá na institushonnan posakadémiko òf lugánan di trabou manera Ateliers, Rijksakamedie, BAK, EKWC, òf Jan van Eyck Academie ta konta pa e 4 añanan rekerí.
No por usa Artista Básiko pa kubri gastu di un estudio. Bo no por hasi uso di e areglo tampoko ora bo ta sigui enseñansa na institushonnan, manera estudionan di bachelor i master. Esaki ta konta tambe pa edukashon posakadémiko òf posdoktoral.
Pa por bini na remarke pa un kontribushon bo mester ta artístikamente aktivo den artenan visual i den e kapasidat ei ta inkorporá den e práktika di arte visual profeshonal na Hulanda i/òf e parti karibense di Reino.
Entrada fiskal
Pa Artista Básiko ta konta ku e entrada kolektivo di e petishonario mester tabata igual òf ménos ku € 55.000 pa aña den e último 2 añanan. Posibel kontribushonnan finansiero anterior di Mondriaan Fonds no ta inkluí den esaki.
Na momentu di hasi petishon, bo no ta risibí otro kontribushon finansiero di Mondriaan Fonds ku ta kubri e mesun gastunan.
Petishonnan anterior
Por otorgá Artista Básiko un máksimo di 1 biaha kada 4 aña.
Un artista ku anteriormente a keda rechasá a base di e funshonamentu artístiko no por hasi petishon pa Artista Básiko durante un periodo di 12 luna despues di e fecha di petishon.
No por hasi petishon pa Artista Básiko durante e durashon di un otro kontribushon finansiero di Mondriaan Fonds si e direktiva di e fondo ta di opinion ku e kontribushon ta kubri e mesun gastunan.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Mondriaan Fonds. E informashon akí ta disponibel na hulandes i ingles.
Sinti bo liber pa eksplorá esaki. Tras di kortina ta trahando ainda riba e wèpsait. Komienso di 2025 e wèpsait lo ta kompletu. Bo ke keda na altura di e desaroyonan? E ora ei inskribí pa e notisiero.
