Cypher Cinema
Pa ken?
Nos ta buskando pelíkulanan kòrtiku ku vishonnan úniko i kreativo di direktornan outodidakto òf kolektivonan ku:
- no a kaba studia ku direkshon di un pelíkula pa eksámen final na un estudio di hbo rekonosé pa pelíkula;
- tin eksperensia demostrabel komo direktor profeshonal di un obra oudiovisual (pensa riba enkargonan komersial òf proyektonan di televishon) òf ku a traha komo hefe di departamentu;
- tin e ambishon pa sigui desaroyá nan mes i profilá komo direktor di pelíkula;
- ta traha i/òf biba den e Reino Hulandes (inkluyendo e parti karibense di Reino);
*Ku kolektivonan nos ke men timnan artístiko den kual kreadornan for di diferente disiplinanan ta kolaborá na un manera igual. Ku kolektivo enfátikamente nos no ke men un tim di pelíkula (herárkiko) tradishonal.
Pa kiko?
Ku un kontribushon pa desaroyo i un programa di tayernan i entrenamentu pa pelíkula kòrtiku, Filmfonds ke stimulá e fluho di bosnan i perspektivanan nobo. E areglo ta enfoká riba desaroyo di un pelíkula kòrtiku ku ambishon internashonal den kategoria di fikshon, animashon, dokumental i/òf eksperimental. E kreadornan selekshoná ta traha durante un aña riba desaroyo di nan pelíkula, di forma independiente i ku tayernan, reunionnan i entrenamentu. Kolaborashon, dedikashon i kreashon ta pará sentral den esaki.
Kuantu?
€ 10.000 pa kada proyekto (€ 8.500 pa e direktor outodidakto (ku tim kreativo/e kolektivo), € 1.500 pa e produktor).
Kon i ki ora por hasi petishon?
Por hasi petishon riba e dia di e fecha final te ku 17:00 (CET) òf 12:00 (GMT -4) via e sistema di petishon Frame via di e wèpsait di Filmfonds.
E siguiente fecha final ta djaluna 18 di novèmber 2024.
Pa entregá e petishon digital, bo ta subi riba Frame. Si bo no tin datonan pa inisiá seshon ainda, hasi un petishon pa un kuenta nobo promé. Pidi un kuenta nobo aki. Tene kuenta ku esaki por dura dos dia di trabou.
Aki bo ta haña mas informashon tokante entrega di un petishon na Filmfonds.
Ta bon pa sa
- E selekshon ta wòrdu hasí dor di un komishon formá dor di e Filmfonds.
- Ora ta selekshoná proyektonan nos ta buska un meskla balansá di kreadornan for di Hulanda, inkluyendo e parti karibense di Reino. Ademas, nos ta tene kuenta ku un komposishon balansá den e tim pa loke ta trata kreadornan ku eksperensia i ménos eksperensia.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Filmfonds. E informashon akí ta disponibel na hulandes.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.
