Edukashon kultural den vmbo, vso i pro 2025-2028

Pa ken?

Un instituto kultural ku ta establesé den Reino Hulandes por hasi petishon pa supsidio. E petishon semper ta pa e kolaborashon entre e instituto kultural i e skol òf skolnan pa vmbo (inkluso e klasnan internashonal pa lèsnan intensivo di idioma), vso i/òf pro.

Pa kiko?

• Eksplorashonnan: Nos ta sostené eksplorashon di un kolaborashon entre un instituto kultural i un skol. Ta trata aki di aktividatnan manera kombersashonnan, desaroyo di plannan, trahamentu di palabrashonnan tokante entre otro e kontenido, divishon di tareanan i finansiamentu i purba aktividatnan. Nos ta mira e instituto kultural i skol komo e partinan esensial pa desaroyá edukashon kultural pa e grupo di enfoke akí. E kolaborashon entre e skol i instituto kultural no mester ta igual, pero mester ta mas efektivo posibel. E eksplorashon ta dirigí riba aktividatnan kultural ku ta promové e abilidat kreativo di e alumnonan den vmbo, vso i/òf pro.
• Proyektonan: Nos ta sostené desaroyo i ehekushon di un proyekto edukashonal kultural na vmbo, vso i/òf pro. Ta trata aki di aktividatnan manera desaroyo, preparashon, ehekushon i evaluashon di e proyekto edukashonal kultural. E proyekto ta dirigí riba promoshon di e abilidat kreativo di e alumnonan. E base di e proyekto ta e pregunta di skol òf skolnan i komprenshon riba kua metanan básiko den edukashon ta ser trahá den kua forma. Por hasi petishon tambe pa proyektonan di edukashon ku ta dirigí riba kreashon di kontenido digital (arte nasí den forma digital) òf kaminda teknologia digital ta un instrumento den e proseso edukashonal kultural (por ehèmpel, trahando ku inteligensia artifisial).

Kuantu?

• Eksplorashonnan: € 10.000 – 25.000 – Bo proyekto ta dura un mínimo di dos luna i un máksimo di un aña. E proyekto no ta kuminsá promé ku ocho siman despues di a entregá e petishon. I e proyekto ta kuminsá denter di seis luna despues di a honra e petishon.
• Proyektonan: € 25.000 – 65.000 – Bo proyekto ta dura un mínimo di dos luna i un máksimo di dos aña. E proyekto no ta kuminsá promé ku diestres siman despues di a entregá e petishon. I e proyekto ta kuminsá denter di seis luna despues di a honra e petishon.

Pa petishonarionan den e parti karibense di Reino, nos ta supsidiá 100% di e gastunan total di e proyekto.

Kon i ki ora por hasi petishon?

• Eksplorashonnan: ta posibel pa hasi petishon for di 17 di febrüari 2025 te ku 29 di mart 2028.
• Proyektonan: Tene kuenta: ta posibel pa hasi petishon for di 17 di febrüari 2025 te ku 29 di mart 2028, ku eksepshon di e periodo di 1 di desèmber 2025 te ku 1 di mart 2026 i for di 1 di desèmber 2026 te ku 1 di mart 2027. No ta posibel pa entregá un petishon den e periodonan akí.

Ta bon pa sa

• Edukashon kultural ta nifiká edukashon di patrimonio tambe. Por inkluí kolaborashon internashonal tambe den e petishon, si esaki lo mehorá e kolaborashon lokal.
• Komo Fondo nos ta dirigí nos mes riba e impakto i e efektonan ku ta logra ku e proyektonan. E efektonan deseá ta otro pa kada areglo di supsidio. Den bo petishon, nos ke sa kon bo ta logra e efektonan akí i kon bo ta inkorporá bo grupo di enfoke den esaki. Den e areglo di supsidio ta deskribí kiko nos ke men ku e efektonan akí.
• Eksplorashonnan: Bo ta traha riba e efektonan: kolaborashon, desaroyo di vishon i igualdat di oportunidat.
• Proyektonan: Bo ta traha riba e efektonan: kolaborashon, desaroyo di vishon, igualdat di oportunidat, desaroyo kreativo i konekshon.