Edukashon Kultural na Boneiru, Saba i Sint Eustatius

Pa ken?

Den e parti karibense di Reino e programa Edukashon Kultural di Fonds voor Cultuurparticipatie ta enfoká riba fortifikashon di edukashon kultural den enseñansa. Pa por hasi esaki bon nos ta yuda institushonnan kultural riba e islanan pa sigui desaroyá nan oferta, den kolaborashon ku e skolnan. 

E areglo Edukashon Kultural na Boneiru, Saba i Sint Eustatius ta e resultado di esei. A areglo akí ta stimulá desaroyo i ehekushon di proyektonan di vários aña ku ta kontribuí na mas i mihó edukashon kultural riba e islanan akí. Esaki ta konektá na e vishon di enseñansa di skolnan primario, speshal, sekundario i di enseñansa profeshonal sekundario. 

Pa kiko?

Por hasi petishon pa supsidio pa proyektonan di vários aña ku ta dirigí riba mas i mihó edukashon kultural den enseñansa primario, speshal i sekundario i enseñansa profeshonal sekundario. Skolnan, partnernan kultural i e sekretario ta traha huntu den desaroyo i ehekushon di edukashon kultura ku ta konektá na e vishon di e skolnan. Konkretamente por hasi petishon pa:

• desaroyo di edukashon kultural kaminda e skol i partner kultural ta traha huntu riba e proyekto. E proyekto akí ta konektá ku e vishon di enseñansa di e skolnan;
• e promoshon di ekspertisio pa partnernan kultural, maestronan i sekretario;
• desaroyá un infrastruktura ku ta traha bon pa edukashon kultural duradero na skolnan;

Ku atenshon pa:

• pasa patrimonio lokal intangibel pa generashonnan nobo;
• promové e uso di teknologia digital kaminda ta posibel pa promové e loke ta menshoná ariba.

E proyekto no ta kuminsá promé ku diestres siman despues di a entregá e petishon i tin un durashon di 15 di mart 2025 te ku mas tardá 31 di desèmber 2028. 

Petishonnan ta wòrdu entregá dor di un sekretario: un institushon kultural ku ta entregá un petishon pa supsidio pa su mes, i den kolaborashon ku otro partnernan kultural i ku enseñansa. E sekretario ta e lider di proyekto i e intermediario di e proyekto i ta establesé riba e isla pa kua ta entregá e petishon. 

Kuantu?

Na tur tin € 1.024.000 disponibel pa e areglo akí. Pa un proyekto por hasi petishon pa un montante stipulá pa kada isla. Esaki ta pa: 

• Boneiru: € 580.183 
• Sint Eustatius: € 231.016 
• Saba: € 212.801 

Pa un proyekto, e supsidio ta suma un máksimo di 100% di e gastunan total di e proyekto. 

Kon i ki ora por hasi petishon?

Por entregá petishonnan via di e sistema di petishon online Mi Fondo, ku ta aksesibel via cultuurparticipatie.nl. Ta posibel entregá for di 1 di novèmber 2024, 1:00 p.m. te ku 6 di desèmber 2024, 1:00 p.m. E indikashon di tempu ta trata e tempu ku ta konta den e parti oropeo di Hulanda.  

Aki bo ta haña mas informashon tokante entrega di un petishon na Fonds voor Cultuurparticipatie.

Ta bon pa sa

Ta evaluá petishonnan a base di e kriterionan kalidat di e kontenido i kalidat organisatorio. Petishonnan ku ta kumpli ku e eksigensianan di e areglo, ta wòrdu entregá na un komishon di konseho interno pa konseho. 

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Fonds voor Cultuurparticipatie. E informashon akí ta disponibel na hulandes.

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.