Inovashon di patrimonio
Pa ken?
Museonan i institushonnan di patrimonio ku ta manehá kolekshonnan, inkluso archivonan, ku un funshon públiko i di presentashon. Tambe, un organisashon kultural ku ta dirigí su mes riba e sektor di patrimonio i ku ke kolaborá ku institushonnan di patrimonio ku ta manehá kolekshonnan.
Ku e areglo Inovashon di Patrimonio, Mondriaan Fonds ta stimulá inovashon den e sektor di patrimonio.
Pa kiko?
Pa proyektonan òf trayektonan di investigashon ku ta kontribuí na inovashon di e kontenido denter di e propio institushon òf e sektor di patrimonio. Den un trayekto di investigashon, tambe ta posibel pa hasi un investigashon di faktibilidat di inovashon, formanan nobo di presentá òf maneranan nobo di mantenshon di arte di awendia.
- Proyektonan: Por ehèmpel por hasi un petishon pa desaroyo di kuentanan nobo rondó di ophetonan di kolekshon, kolaborashon riba tereno di alkanse públiko, seguridat òf mobilidat di e kolekshon, òf un remodelashon for di perspektiva kontemporáneo.
- Un trayekto di investigashon ta ofresé espasio pa, sin un resultado final preskribí, eksplorá ideanan, investigá desaroyo den e sektor, ken ta posibel partnernan di kolaborashon, òf kiko e nesesidatnan di e públiko deseá ta. Pensa por ehèmpel riba un prueba ku un studio mobil di historia oral den e bario kaminda habitantenan ta kompartí nan storianan personal, òf un estudio di e diferente senarionan pa remodelashon. Un investigashon di faktibilidat di aplikashon di desaroyonan teknológiko den e sektor di patrimonio, manera IA (inteligensia artifisial) òf gamification (aplikashon di mekanismonan di wega), tambe ta forma parti di e posibilidatnan den un trayekto di investigashon.
Kuantu?
Ta stipulá e suma di e kontribushon pa kada petishon. E kontribushon pa un proyekto ta un máksimo di 40% di e gastunan variabel relashoná ku e proyekto. E presupuesto mínimo di e proyekto mester ta mas haltu ku € 25.000 i no por ta gastunan fiho. Pa un trayekto di investigashon e kontribushon máksimo ta 70% di e gastunan, ku un montante máksimo di € 15.000. Un presupuesto mínimo no ta konta ora ta hasi petishon pa un trayekto di investigashon.
Kon i ki ora por hasi petishon?
Por hasi petishon pa Inovashon di Patrimonio 2 biaha pa aña via di e sistema di petishon online di Mondriaan Fonds. E fechanan final den 2026 ta: 26 di mart, promé ku 11 a.m. (ora di área karibense) i 17 di sèptèmber, promé ku 10 a.m. (ora di área karibense). Riba e wèpsait bo por hasi petishon pa un kuenta, kual bo tin mester pa por entregá un petishon. Tene kuenta ku un término di 3 luna pa trata e petishon despues di e fecha final di e ròndu di petishon. No por otorgá un kontribushon ku forsa retroaktivo.
Bo por haña mas informashon tokante e kriterionan di evaluashon i e informashon ku nos mester pa tratamentu di bo petishon riba e wèpsait di e fondo di kultura di reino korespondiente. Via e boton aki bou bo ta wòrdu referí na e wèpsait di Mondriaan Fonds. E wèpsait akí ta disponibel na hulandes i ingles.
Preguntanan & kontakto
Bo tin pregunta tokante e areglo akí òf algu no ta kompletamente klaro? Tuma kontakto ku e persona di kontakto riba e página akí.
