Lokèt Rápido

Pa ken?

E  lokèt rápido ta destiná pa: konhuntonan, gruponan di pòp, asambleanan, orkesta di jazz, kantante-kompositornan, artistanan, kompositornan ku ta presentá òf DJ-nan ku ta duna presentashonnan òf konsiertonan na lugánan pafó di henter Reino, i for di 19 di febrüari 2026, pa biahe entre Aruba, Kòrsou, Sint Maarten, Boneiru, Sint Eustatius i Saba tambe. I tambe pa kompositornan, outornan di teatro, libretistanan òf koreógrafonan ku ta invitá pa presensiá, pafó di henter Reino, un presentashon di nan propio obra interpretá pa otronan. Den e kaso akí e kompositor, outor di teatro, libretista òf koreógrafo mes no ta kolaborá na e presentashon òf e konsierto.

Pa kiko?

E supsidio ta un kontribushon na e gastunan di biahe, transporte i visa pa hasi e biahenan akí posibel. Gastunan di estadia i akomodashon no ta bini na remarke. 

Kuantu? 

Supsidio pa duna presentashonnan òf konsiertonan pafó di henter Reino, pa biahe entre Aruba, Kòrsou, Sint Maarten, Boneiru, Sint Eustatius i Saba tambe, nunka ta mas ku e total di e gastunan di biahe, transporte i visa rasonablemente nesesario, ku un máksimo di 6.000 euro den Oropa i 10.000 euro pafó di Oropa. No ta supsidiá gastunan di hotèl i akomodashon. 

Pa biahenan for di Kòrsou, Aruba, Boneiru, Saba, Sint Eustatius i Sint Maarten tin un kontribushon máksimo di 6.000 euro pa biahenan pa un pais den Amérika Latino i un kontribushon máksimo di 10.000 euro pa biahenan pafó di Amérika Latino.

Supsidio pa asistí na un òf mas presentashon òf konsierto pafó di henter Reino nunka ta surpasá e total di e gastunan rasonablemente nesesario di biahe, transporte i visa di e kompositor, outor di teatro, libretista òf koreógrafo konserní, ku un máksimo di 3.000 euro.

Kon i ki ora por hasi petishon?

Bo por hasi petishon pa e supsidio akí durante henter aña, tanten ku e presupuesto di e Fondo ta sufisiente. Mester entregá aplikashonnan via di Mi Fondo. So bo ta aplikando pa un supsidio pa konsiertonan i presentashonnan, bo mester di un kuenta komo un ‘organisashon’. Bo ta aplikando pa un supsidio pa asistí na konsiertonan i presentashonnan komo kompositor, outor dramátiko, libretista òf koreógrafo? E ora ei bo mester di un kuenta komo ‘individuo’. No por hasi petishon pa un supsidio mas trempan ku kuater luna promé ku e promé presentashon i no mas lat ku un luna despues di e promé presentashon.

Aki bo ta haña mas informashon tokante entrega di un petishon na Fonds Podiumkunsten.

Ta bon pa sa

E kantidat rekerí di presentashonnan ku un petishonario mester a ehekutá den pasado resien (por lo ménos dies den e último diesocho lunanan) tambe lo wòrdu adaptá den 2025. Ku esaki nos ke tene kuenta ku otro tiponan di práktikanan di tokamentu na Sint-Maarten, Sint-Eustatius, Saba, Kòrsou, Aruba i Boneiru.  

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Fonds Podiumkunsten. E informashon akí ta disponibel na hulandes.

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.