Presentashon Patrimonio Artístiko

Pa ken?

Institushonnan kultural dirigí riba presentashon di patrimonio kultural i/òf arte visual. Pensa riba museonan, salanan di arte, tarimanan di arte, archivonan ku un funshon di presentashon, i otro inisiativanan di arte i patrimonio.  

Ku e areglo Presentashon Patrimonio Artístiko, Mondriaan Fonds ta stimulá presentashonnan speshal di institushonnan riba tereno di arte visual i/òf patrimonio kultural. 

Pa kiko?

Pa presentashonnan ku ta surpasá kustumber, ta enbolbí públiko na un manera atraktivo, i ku den e propio konteksto ta relevante pa e arte visual kontemporáneo i/òf patrimonio kultural na Hulanda i/òf e parti karibense di Reino. 

For di e plan mester sali na kla ku ta trata di un presentashon ku no ta usual. Pensa riba un presentashon distintivo ku obra di artistanan internashonalmente konosí, un presentashon atraktivo ku ta pone perspektivanan nobo para sentral, un presentashon desaroyá na un manera ehemplar huntu ku e públiko, òf un presentashon ku obranan speshal fiá i/òf obranan nobo ku tin ku realisá, den un konsepto di eksposishon atraktivo. Otro presentashonnan di arte i patrimonio ku ta investigativo, inovativo òf ambisioso tambe por bini na remarke pa esaki. 

Petishonnan ta bini na remarke pa un kontribushon solamente si e kriterio di evaluashon ‘presentashon no usual’ wòrdu evaluá a lo ménos komo sufisiente. 

Kuantu?

Ta stipulá e suma di e kontribushon pa kada petishon i e ta un máksimo di 40% di e gastunan variabel di e proyekto. E presupuesto mínimo di e proyekto mester ta mas haltu ku € 25.000 i no por kontené gastunan fiho. Kontribushonnan di € 100.000 òf mas ta di gran eksepshon. Tuma kontakto ku Mondriaan Fonds ora ku bo ke hasi petishon pa un kontribushon di e magnitut akí. 

Kon i ki ora por apliká?

Por hasi petishon na kualke momentu di aña via e sistema di petishon online di Mondriaan Fonds. Riba e wèpsait bo por hasi petishon pa un kuenta, kual bo tin mester pa por entregá un petishon. Tene kuenta ku un periodo di tratamentu di 3 luna for di e momentu ku a entregá e petishon kompletu. Sinembargo, debí na e kantidat grandi di petishon na e fondo, e periodo di tratamentu por dura mas largu. No por otorgá un kontribushon ku forsa retroaktivo. 

Aki bo ta haña mas informashon tokante entrega di un petishon na Mondriaan Fonds.

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Mondriaan Fonds. E informashon akí ta disponibel na hulandes i ingles. 

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.