Promoshon di lesamentu

Pa ken?

• Solamente instansia kultural, organisashon kultural òf entidat hurídiko ku ta aktivo den Reino i ku ta produsí i/òf realisá aktividat pa promoshon di lesamentu òf edukashon di literatura por apliká pa supsidio.
• Skol, universidat i munisipio no por apliká pa supsidio bou di e areglo akí.
• Un organisashon ku ta risibí un supsidio di vários aña di Letterenfonds no por apliká pa supsidio bou di e areglo akí den 2025 i 2026.
• Un aplikante por entregá un máksimo di un aplikashon pa kada buèlta di supsidio. A pesar di esei, e por ta enbolbí den otro proyekto sí, pero komo kolaboradó. Di dos petishon? Si bo a yega di risibí supsidio kaba den e areglo di promoshon di lesamentu, sòru pa bo proyekto anterior ta kompletá na momento ku anunsiá e desishonnan. Esei lo ta mas o ménos kuater pa seis luna despues di e fecha límite di entrega.

Pa kiko?

Hende ta lesa ménos i e abilidatnan di lesamentu ta deteriorá. Esaki ta un problema, pasobra lesamentu ta oumentá bo oportunidatnan den sosiedat, e ta yuda bo desaroyá, i e ta stimulá pensamentu krítiko. P’esei Letterenfonds ta sostené proyekto pa promoshon di lesamentu, ku e meta pa kontribuí na promoshon di lesamentu na un manera duradero, den konsulta ku e sektor. Nos ta buska spesialmente e proyektonan ku ta komplementá loke tin riba merkado kaba, por ehèmpel, pasobra nan ta usa un konsepto inovativo, ta digitalmente inovativo, ta drenta den asosiashonnan nobo, ta sirbi un region nobo, òf ta yega na un grupo meta ku ta sup-eksponé.

Kuantu?

Mínimo € 25.000 i máksimo € 50.000.  

Kon i ki ora por hasi petishon?

Bo por hasi petishon via di e wèpsait di Letterenfonds. 20 Febrüari 2026 (ròndu 1) & 26 Yüni 2026 (ròndu 2). Por skirbi e petishon na hulandes òf na ingles. 

Kuminsá bo petishon via di e wèpsait di Nederlands Letterenfonds. E periodo di tratamentu máksimo ta bintidos siman. No por otorgá un kontribushon ku forsa retroaktivo.  

Aki bo ta haña mas informashon tokante entrega di un petishon na Nederlands Letterenfonds.

Ta bon pa sa

Lo atendé solamente aplikashon ku ta kompleto. No ta atendé aplikashon ku ta inkompleto pa e fecha límite.

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon riba e wèpsait di e fondo di kultura di reino korespondiente. Via e boton aki bou bo ta wòrdu referí na areglo riba e wèpsait di Nederlands Letterenfonds. E wèpsait akí ta disponibel na hulandes, por download e formulario di petishon i e kondishonnan di e areglo na papiamentu. 

Mas informashon