Proyekto Artista

Estudio i práktika di trabou 

• Un aplikashon por wòrdu entregá solamente pa artistanan ku tin por lo ménos 1 aña ta traha komo artista visual profeshonal:
  • Bo a finalisá un estudio di hbo bachelor ku un kuríkulo di arte visual? E ora ei e fecha di e diploma ta wòrdu konsiderá komo komienso di bo práktika profeshonal. Tin un periodo entre e fecha di e diploma di bo estudio di hbo bachelor ku un kuríkulo di arte visual i e komienso di bo estudio di master? E ora ei ta konta e periodo akí komo parti di e práktika profeshonal.
  • Bo no a finalisá un estudio di hbo bachelor ku un kuríkulo di arte visual? E ora ei ta konsiderá e momentu riba kual bo a presentá un obra pa promé biaha den e sirkuito di arte visual profeshonal komo e komienso di bo práktika profeshonal.

• Bo no por hasi petishon pa òf hasi uso di un kontribushon miéntras bo ta sigui enseñansa na institushonnan, manera bachelor i master, estudionan posakadémiko òf posdoktoral i trayektonan di doktorado. A ménos ku ta trata di un estudio partaim di ménos ku binti ora pa siman, ku no ta un bachelor.
• Pa por bini na remarke pa un kontribushon bo mester ta artístikamente aktivo den artenan visual i den e kapasidat ei ta inkorporá den e práktika di arte visual profeshonal na Hulanda i/òf e parti karibense di Reino. 

Gastunan ku por supsidiá

Kiko sí por:

• Gastunan di material relashoná spesífikamente ku e proyekto
• Hür di ekiponan i materialnan
• Kompra di ekiponan nesesario pa e proyekto por bai den e presupuesto bou di depresiashon,
• Gastunan di biahe pa un buelo di ida i buèlta, kompensashon pa kantidat di kilometer ku a kore, paseo di trein, for di i pa e lokalidat prinsipal manera menshoná den e petishon. E gastunan di biahe lokal ta kai bou di e kompensashon pa invershon di tempu.
• Kontratashon di terseronan (si ta aplikabel, inkluso gastunan di biahe i estadia)
• Gastunan di residensia: Tene kuenta ku e kompensashon pa invershon di tempu ta wòrdu redusí ku mitar si tin un gastu di residensia den e presupuesto òf si ta parse ku e residensia ta karga e siguiente gastunan: akomodashon i kuminda.
• Por usa e kontribushon pa un buki di artista solamente bou di kondishon ku e ta un publikashon speshal, ku por wòrdu konsiderá komo un obra di arte outónomo i ku tin un máksimo di tres ehemplar den sirkulashon. No por hasi petishon pa Proyekto Artista pa publikashonnan, pero por pidi un kontribushon Publikashon.

Kiko no por:

• Gastunan regular manera gastunan kontinuo di alohamentu i akohida pa mucha, no ta bini na remarke pa un kontribushon.
• E kontribushon no ta intenshoná pa trabounan pa un organisashon, trabounan regular, gastu di eksposishon i otro gastu di presentashon di trabou.
• No por usa e kontribushon pa trese obra produsí anteriormente bèk den produkshon, pa hinka obra den kuadro òf transferí esaki pa un otro superfisie.
• Gastunan asosiá ku e estadia den eksterior i ku ta kai bou di e kompensashon pa invershon di tempu: manera akomodashon, kuminda i gastunan di biahe lokal. Por hasi petishon si pa e gastunan akí pa terseronan ku ta enbolbí den e proyekto.
• Bo no por pidi e kontribushon Proyekto Artista pa un periodo di trabou den un studio di invitado den interior òf den eksterior si esaki wòrdu ofresé den e programa di Residensia di Mondriaan Fonds.
• Bo no por pidi e kontribushon di e Proyekto Artista pa aktividatnan òf un proyekto na institutonan/lokalidatnan di arte ku ta haña sosten di un kontribushon di vários aña for di un di e fondonan di kultura di Reino òf di BIS. A ménos ku ta trata di un parti di e programa ku no ta regular.

Finansiamentu

• No por otorgá un kontribushon fiho na un artista ku a risibí un Komienso Artista ménos ku un aña pasá.
• Ku un kontribushon fleksibel e intenshon ta ku bo mes kontribushon na e proyekto mester ta un mínimo di 10%. Esaki por ta un invershon propio, òf un kontribushon di terseronan, un fiansa liber di interes di Fonds Kwadraat òf un kontribushon via crowdfunding. 
• Si un otro partido ta enbolbí den e petishon, manera un museo, galeria, negoshi òf dunadó di enkargo, e kontribushon finansiero di e partido akí mester ta den un proporshon aseptabel kompará ku e kontribushon ku ta pidi na Mondriaan Fonds. Ta spera di institushonnan kultural ku nan ta aseptá e Fair Practice Code. Esei ta nifiká outomátikamente ku e institushon ta pone e regla di tarifanan di artistanan den práktika. 

Petishonnan anterior 

• No por hasi petishon pa Proyekto Artista durante e durashon di un otro kontribushon finansiero di Mondriaan Fonds si e direktiva di e fondo ta di opinion ku e kontribushon ta kubri e mesun gastunan. 
• Por otorgá un kompensashon na un artista pa su tempu (invershon di tempu) denter di un periodo di 48 luna pa un máksimo di 24 luna. E ora ei den e periodo ku ta sobra, un petishonario por hasi un petishon solamente pa un kontribushon fleksibel pa e gastunan di e proyekto (komo parti di Proyekto Artista). 
• Un artista ku a keda rechasá anteriormente den e areglo Proyekto Artista a base di funshonamentu artístiko, no por entregá petishon durante un periodo di 12 luna despues di e fecha di petishon pa e areglonan: Proyekto Artista, Residensia i Publikashonnan.