Scout Night ABCSSS

Pa ken?

Diseñadónan òf kreadornan (nobo) ku ta establesé na Aruba, Boneiru, Kòrsou, Saba, Sint Eustatius i Sint Maarten.

Pa kiko?

Scout Night ABCSSS ta dirigí riba diseñadónan i kreadornan ku ta desaroyá produktonan kultural òf artístiko di forma independiente i ke profundisá i profeshonalisá nan práktika nobo.  

Kuantu?

Si a selekshoná bo durante e anochi di Scout, bo ta risibí € 1.000 i guia pa traha un plan di desaroyo. A base di e plan akí bo ta risibí un beka di € 25.000, ku kua bo por ehekutá bo plan. 

Kon i ki ora por hasi petishon?

Bo ta registrá bo mes pa e scout night dor di e-mail un pelíkula kòrtiku na scoutnightsABCSSS@stimuleringsfonds.nl. Aki den bo ta konta: ken bo ta, kiko bo ta krea i kuantu tempu bo ta hasiendo esei. Añadí bo datonan di kontakto, CV i un par di imágen di bo obra na e e-mail. Esaki por ta skèts tambe òf un lenk pa un wèpsait. 

Durante e scout night bo ta presentá bo plan. A base di e presentashonnan e hurado ta selekshoná algun kreador ku ta risibí € 1.000 pa – bou di guia di Stimuleringsfonds – traha un plan di desaroyo. Despues bo ta risibí un beka di € 25.000 pa ehekutá e plan akí berdaderamente.

Riba e wèpsait di Stimuleringsfonds Creatieve Industrie bo ta haña mas informashon tokante entre otro e fecha final pa registrashon. Semper bo por tuma kontakto tambe via scoutnightsABCSSS@stimuleringsfonds.nl.  

Ta bon pa sa 

• E scout night ta destiná pa diseñadónan òf kreadornan nobo. Pensa riba diseñadónan di moda, animadónan i karikaturistanan, direktornan di arte, medionan i artistanan digital. Pero empresarionan kreativo ku ta dediká nan mes na problemanan relashoná ku klima, naturalesa, kuminda, patrimonio i na kompartí kuentanan ku a haña tiki atenshon tambe ta bini na remarke. 
• Pa prepará pa e scout night bo por partisipá na un di e seshonnan di orientashon. Durante e seshonnan akí ta duna mas informashon tokante e prosedura di registrashon i bo ta haña konseho tokante presentashon di bo plannan. Riba e wèpsait di Stimuleringsfonds Creatieve Industrie bo ta haña mas informashon tokante e seshonnan akí.  
• E scout night ta tuma lugá tur aña na un di e islanan. Partisipantenan ku no ta biba na e isla konserní ta risibí un kompensashon pa biahe i estadia. 

Preguntanan & kontakto 

Algu no ta klaro? Hasi bo pregunta via e-mail na nos koleganan di Scout Night ABCSSS via scoutnightsABCSSS@stimuleringsfonds.nl. Bo tin un pregunta mas general, e ora ei wak e preguntanan frekuentemente hasí promé.