Studio Caribe

Pa ken?

E areglo ta enfoká riba guionista, direktor i produktor di Aruba, Kòrsou, Sint Maarten, Boneiru, Saba i Sint Eustatius, ku tin un idea sinematográfiko original pa desaroyo di un pelíkula (hubenil) kòrtiku. 

Pa kiko?

Studio Caribe ta enfoká riba desaroyo i realisashon di pelíkula (hubenil) kòrtiku di e kreadónan di e parti karibense di Reino Hulandes. Den e kaso akí, ta trata di e plannan sinematográfiko den e kategorianan di fikshon, dokumental, sine eksperimental (mín. 5 i máks. 30 min) òf animashon (min. 1 minüt). 

Ku e Areglo di Tayer akí, Fondo Sinematográfiko ta ofresé e kreadónan di Aruba, Boneiru, Kòrsou, Saba, Sint Eustatius òf Sint Maarten espasio pa nan desaroyá nan talentonan ainda mas i asina kontribuí na enrikesimentu di e oferta sinematográfiko di historia original di i riba e islanan.

Kuantu?

Máksimo € 10.000,– pa proyekto (€ 8.500 pa e kreadó), € 1.500 pa e produktor). Bo ta uza e kontribushon akí pa e plan sinematográfiko. Si bo proyekto, despues di su desaroyo, keda selekshoná tambe pa realisashon: Máksimo € 65.000, -. Despues di selekshon pa realisashon, ta realisá i entregá e pelíkula denter di un aña. 

Kon i ki ora pa apliká?

Aplikashonnan pa e skema aki por ser entregá dia di plaso prome ku 17:00 CET (of 12:00 GMT-4) via nos sistema di aplikashon online Frame, riba e website di e Fondo di Film. Si ainda bo no tin e datonan di login, pidi un kuenta nobo promé. Pidi un kuenta nobo aki. Tene kuenta ku esaki por tuma dos dia di trabou. 

Aki bo ta haña mas informashon tokante entrega di un petishon na Filmfonds.

Bon pa sa

• Un máksimo di 12 plan sinematográfiko ta bini na remarke pa un kontribushon di desaroyo. Di esakinan, un máksimo di 6 plan sinematográfiko ta bini na remarke pa un kontribushon di realisashon.
• Un komishon komponé ku ta konsistí di representante di e parti karibense di Reino lo evaluá e petishon. Ta konsiderá e petishonnan integralmente pa yega na un selekshon final den kua ta buska un distribushon riba e islanan i un komposishon diverso di kreadó. *
• E direktor / gerente di e Fondo Sinematográfiko ta disidí riba e petishon.**
• Bo a risibí sí un kontribushon di desaroyo pa Studio Caribe, pero bo proyekto no a keda selekshoná pa un kontribushon di realisashon? E ora ei semper bo por wak si bo por manda e plan sinematográfiko na un di e otro areglonan di e Fondo Sinematográfiko. 

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Filmfonds. E informashon akí ta disponibel na hulandes, ingles, papiamentu and papiamento.

Mas informashon

Preguntanan & kontakto