Supsidionan pa Proyekto Literario i Proyektonan ku ta Eduká tokante Literatura

Pa ken?

Komo organisashon hulandes, tantu independiente komo den kolaborashon ku partnernan estranhero, bo ta bini na remarke si na momentu di hasi petishon bo ta un persona hurídiko ku kapasidat hurídiko kompletu. Universidatnan, skolnan, bibliotekanan i publikadónan no por pidi supsidio. Organisashonnan ku ya a risibí un supsidio pa vários aña (kuater òf dos aña) for di Letterenfonds, no ta bini na remarke pa e areglo akí. Organisashonnan ku ya a risibí un supsidio pa vários aña pa nan aktividatnan for di un di e fondonan di kultura di Reino òf via di e Basis Infrastructuur (BIS) tambe ta ekskluí for di e areglo akí.   

Pa kiko?

Ku e areglo akí organisashonnan por hasi petishon pa un supsidio pa aktividatnan públiko riba tereno di literatura i pa inisiativanan paden òf pafó di skol ku ta promové lesamentu di literatura. Nos ta duna preferensia na manifestashonnan i aktividatnan literario ku ta tuma lugá pafó di e region di Randstad.

Pa aktividatnan públiko riba tereno di literatura, òf aktividatnan paden òf pafó di skol kaminda ku ta stimulá lesamentu di literatura. Por hasi petishon pa supsidio tambe pa proyektonan i aktividatnan kaminda literatura hulandes i internashonal ta den interakshon ku otro, meskos ku pa proyektonan interdisiplinario i kolaborashonnan ku institushonnan sosial. Mester finalisá e aktividatnan òf eventonan literario denter di un aña despues ku a otorgá e supsidio.

Kuantu?

Por hasi petishon pa un supsidio di un mínimo di € 7.500 i un máksimo di € 40.000. 

Kon i ki ora por hasi petishon?

Por hasi petishon via e wèpsait di Letterenfonds for di 2 di yanüari 2025 te 27 di yanüari 2025.  

Aki bo ta haña mas informashon tokante entrega di un petishon na Nederlands Letterenfonds.

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon riba e wèpsait di Nederlands Letterenfonds. E wèpsait akí ta disponibel na hulandes i ingles. Tene kuenta, nos wèpsait na ingles no ta un tradukshon di e wèpsait hulandes, si no un wèpsait fundamentalmente otro, dirigí riba un públiko di eksterior. 

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.