Yamada Habrí Emerging Design Practices ABCSSS

Pa ken?

Diseñadónan òf kreadornan nobo ku ta establesé na Aruba, Boneiru, Kòrsou, Saba, Sint Eustatius i Sint Maarten.

Pa kiko?

E Yamada Habrí Emerging Design Practices ABCSSS ta dirigí riba diseñadónan i kreadornan ku ta desaroyá produktonan kultural òf artístiko di forma independiente i ke profundisá i profeshonalisá nan práktika nobo.

Kuantu?

Si bo keda skohé despues di e dia di presentashon, bo ta traha bo plan di desaroyo huntu ku e fondo. A base di esaki bo ta risibí un beka di € 25.000, ku kua bo por ehekutá e plan akí.

Kon i ki ora por hasi petishon?

• Bo por entregá bo petishon via di e plataforma di hasi petishon di e fondo entre djamars 13 di yanüari 2026, 10:00 AST i djárason 18 di mart 2026. 11:00 AST. Bo mester di un kuenta di usuario pa esaki pa por drenta den e plataforma di hasi petishon. Traha e kuenta di usuario akí na tempu. Ta dura un dia di trabou promé ku un kuenta nobo ta aktivá. Bo petishon ta konsistí di un video òf karta di motivashon, un CV i un portafolio.
• Ta invitá dies kreadó pa e dia di presentashon. Nan ta presentá nan pregunta di desaroyo den 3 minüt. Despues e hurado ta hasi algun pregunta i ta selekshoná kuater kreadó. E dia di presentashon ta tuma lugá na ingles.
• E kreadónan selekshoná ta skirbi un plan di desaroyo den kolaborashon ku e fondo. Despues di aprobashon nan ta risibí un beka di € 25.000 pa ehekutá e plan akí durante un aña.

Ta bon pa sa

• Pa prepará bo registrashon bo por partisipá na un di e orarionan di konsulta online. Durante e seshonnan akí ta duna mas informashon tokante e prosedura di registrashon i bo ta haña konseho tokante presentashon di bo plannan. Riba e wèpsait di Stimuleringsfonds bo ta haña mas informashon tokante e seshonnan akí.
• Orario di konsulta di 17 Febrüari 11:00 AST
• Orario di konsulta di 5 Mart 10:00 AST
• E dia di presentashon ta tuma lugá tur aña na un di e islanan. Partisipantenan ku no ta biba na e isla konserní ta risibí un kompensashon pa biahe i estadia.

Via e boton aki bou bo ta wòrdu referí na e wèpsait di Stimuleringsfonds Creatieve Industrie. E wèpsait akí ta disponibel na hulandes i ingles.

Mas informashon

Preguntanan & kontakto

Bo tin pregunta òf algu no ta kompletamente klaro? Hasi bo pregunta via e-mail na e personanan di kontakto via emergingdesignpractices@stimuleringsfonds.nl. Bo tin un pregunta mas general, e ora ei wak e preguntanan frekuentemente hasí promé.