Yamada Habrí Muchanan i Hóbennan di e Asuntu di Kompensashon (Toeslagenaffaire)

Pa ken?

E Yamada Habrí Muchanan i Hóbennan di e Asuntu di Kompensashon (Toeslagenaffaire) ta duna institushonnan den e tereno kultura, tereno sosial i trahadónan independiente sin personal den e terenonan akí e chèns pa desaroyá proyektonan kultural, artístiko i/òf sosial pa muchanan i hóbennan afektá pa e Asuntu di Kompensashon. 

Partisipashon na kultura ta ofresé un eksperensia stimulante i inspirativo na muchanan i hóbennan ku te ku awor no a partisipá (mashá) na aktividatnan kultural pa motibu di e Asuntu di Kompensashon. Partisipashon aktivo na kultura tin efektonan positivo, ta promové desaroyo personal, ta fortifiká perseveransia i konekshon sosial. E Yamada Habrí akí, den kolaborashon ku Ministerio di Finansa, ta enfatisá e nesesidat pa promové partisipashon kultural pa muchanan i hóbennan afektá den henter Reino Hulandes. 

E Yamada Habrí akí ta parti di e areglo di supsidio Krea Kultura Huntu 2022-2024. For di esei ta sali ku e siguiente partidonan por hasi petishon: 

• Institushon riba tereno kultural (sin intenshon pa hasi ganashi) 
• Institushon riba tereno sosial (sin intenshon pa hasi ganashi) 
• Profeshonal independiente riba tereno kultural òf sosial 

Bo tin ku traha ku por lo ménos un otro profeshonal independiente òf institushon riba un otro tereno ora di desaroyá i ehekutá bo petishon. Esaki por ta por ehèmpel un fundashon kultural ku ta traha ku un coach pa hóbennan òf un kreador di teatro ku ta traha ku un sentro pa hóbennan. Organisashonnan den kua trahadónan mes ta tuma desishon, esta organisashon propio, sin personalidat hurídiko riba tereno kultural òf sosial tambe ta wòrdu rekonosé komo partner di kolaborashon, pero nan mes no por entregá petishon. 

Pa kiko?

Tin dos tipo di proyekto pa kua bo por hasi petishon.  

1. E eksplorashon: 

Por hasi petishon pa e eksplorashon si e petishon ta dirigí riba por lo ménos tur e siguiente tópikonan: 

• Introdukshon i profundisashon di e kontakto entre e mucha(nan), hóben(nan) afektá i e partido ku ta duna sosten (partner di kolaborashon);  
• Investigashon huntu riba e manera ku por duna forma na e proyekto, e guia i e kolaborashon. 

E proyekto no ta kuminsá promé ku 8 siman despues di a entregá e petishon i tin un durashon máksimo di un aña. E proyekto ta kuminsá no mas tardá ku 6 luna despues di a entregá e petishon.  

2. Supsidio pa proyekto pa aktividatnan kultural: 

Ademas di Eksplorashon por pidi supsidio pa aktividatnan kultural tambe. Investigashon di Diversion ta mustra ku un parti di muchanan i hóbennan afektá ta preferá skohe for di ofertanan kultural eksistente. Un otro parti ke partisipá aktivamente nan mes na desaroyo di oferta kultural. Por ehèmpel a base di enkuentronan di grupo i tayernan kreativo pa duna un bista di e nesesidatnan i pa a base di esei desaroyá aktividatnan riba tereno kultural i sosial huntu ku institushonnan enbolbí i/òf profeshonalnan independiente.

Ta mihó pa e muchanan i hóbennan afektá hasi e eskoho akí nan mes. Loke ta pará sentral ta ku e maneho mester ta den nan man. Esei ta nifiká ku e petishon mester mustra klaramente kua ròl e muchanan i hóbennan afektá mes ke i ku ta ofresé nan e sosten nesesario a base di nan deseonan.

Kuadronan 

E kuadro den kua e aktividatnan kultura mester pas ta ku e aktividatnan ta engrandesé akseso na partisipashon kultural aktivo pa e muchanan i hóbennan, ta kontribuí na fortifikashon di perseveransia i konekshon ku otronan, i ta stimulá nan desaroyo personal kreativo. Saliendo for di un kolaborashon entre profeshonalnan i organisashonnan riba tereno kultural i sosial.  

E proyekto pa aktividatnan kultural no ta kuminsá mas promé ku 13 siman despues di a entregá e petishon i no mas tardá ku 6 luna. E durashon máksimo ta tres aña. E proyekto tin un grupo di partisipante ku ta konsistí di por lo ménos 50% di muchanan i hóbennan afektá. 

Kuantu?

Na tur tin € 5.094.600 disponibel pa e Yamada Habrí akí. Nos ta supsidiá un máksimo di 100% di e gastunan total di e proyekto. 

E supsidio pa un eksplorashon ta suma un máksimo di € 10.000 pa kada trayekto. 

E supsidio pa un aktividat kultural ta suma un máksimo € 125.000 pa kada trayekto. 

Kon i ki ora por hasi petishon?

Por entregá petishonnan te ku 31 di desèmber 2026 via e sistema di petishon online Mi Fondo, ku ta aksesibel via cultuurparticipatie.nl. Nos ta konsehá pa tuma kontakto ku nos por lo ménos un biaha promé ku hasi entrega. Bo por hasi pregunta tokante bo petishon òf presentá un resúmen di esei na nos. Ta posibel tambe pa pasa den e formulario di petishon online huntu ku un konsehero. Manda un e-mail pa esaki na openoproep@cultuurparticipatie.nl. 

Aki bo ta haña mas informashon tokante entrega di un petishon na Fonds voor Cultuurparticipatie.

Ta bon pa sa

Den breve, nos ta evaluá e petishon a base di tres kriterio.  

• Kalidat supstansial di e aktividatnan | Kiko ta e meta, ki manera di traha ta wòrdu usá i e muchanan i hóbennan ta enbolbí na e diseño i ehekushon?
• Kalidat organisatorio | Kiko ta e kalidatnan di e ehekutornan i tin un planifikashon i presupuesto realístiko?
• Kalidat di kolaborashon | Tin kolaborashon riba mesun nivel, e konosementu di kada partido ta wòrdu usá sufisientemente i kon e repartishon di ròl ta? 

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Fonds voor Cultuurparticipatie. E informashon akí ta disponibel na hulandes.

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.