Areglo Kultura digital
Pa ken?
Kreadornan profeshonal, kuratòrnan, agensianan di diseño òf institushonnan kultural ku ta traha riba tereno di kultura digital.
Pa kiko?
Ku e Areglo Kultura digital, Stimuleringsfonds Creatieve Industrie ta sostené proyektonan artístiko òf kultural ku ta kuestioná nos sosiedat digital. Den e proyektonan akí ta desaroyá perspektivanan alternativo i ta eksplorá e límitenan di hèrmèntnan digital, medionan i teknologianan. Investigashon, eksperimento, reflekshon krítiko i inovashon ta pará sentral den esaki.
Kuantu?
Pa proyektonan ku mester di supsidio di mas ku € 10.000 te ku un máksimo di € 50.000.
Kon i ki ora por hasi petishon?
E Areglo Kultura digital tin algun ròndu di supsidio pa aña. Riba e wèpsait di Stimuleringsfonds Creatieve Industrie bo ta haña e fechanan final, un manual amplio i e dokumento ofisial di e areglo.
Pa bo petishon bo ta traha entre otro un plan di proyekto, planifikashon i presupuesto. Den e Areglo Kultura digital bo ta haña un bista general di tur e dokumentonan rekerí. E petishonnan ta wòrdu evaluá pa un komishon di konseho. Tene kuenta ku un periodo di tratamentu di diesun siman despues di e fecha di klousura.
Aki bo ta haña mas informashon tokante entrega di un petishon na Stimuleringsfonds Creatieve Industrie.
Ta bon pa sa
Kultura digital ta un tereno amplio. E ta varia di weganan te kultura digital i di medionan nobo te siensia di arte. Bo ta duda si bo disiplina ta kai bou di e areglo? E ora ei wak e Areglo Kultura Digital òf tuma kontakto.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Stimuleringsfonds Creatieve Industrie. E informashon akí ta disponibel na hulandes i ingles.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki. Bo tin un pregunta mas general, e ora ei wak e preguntanan frekuentemente hasí promé.
