Interdisiplinario Organisashon
Nota: Bo ta un kreadó ku un práktika interdisiplinario? E ora ei, wak Individuo Interdisiplinario.
Pa ken?
Organisashonnan kultural ku personalidat hurídiko sin fin di lukro komersial, establesé na Hulanda òf e parti karibense di Reino.
Pa kiko?
Por hasi petishon pa un proyekto interdisiplinario ku ta enbolbí un públiko, ku ta ehekutá òf ta presentá pa un públiko, òf por keda bishitá pa un públiko. Esaki por enserá un presentashon òf evento.
Ku un proyekto interdisiplinario nos ke men: un proyekto den kua por integrá diferente disiplina kultural, i no ta solamente poné banda di otro. Ta bai pa integrashon, polinisashon krusá òf fushon di òf entre un mínimo di dos disiplina di arte den un ekspreshon, manera un obra di arte, presentashon, publikashon òf pelíkula. E meta ta pa sostené proyektonan ku no ta pas (kompletamente) den un otro areglo di un di e fondonan di reino pa kultura.
Por entregá petishonnan pa un proyekto interdisiplinario relashoná ku tur disiplinanan kultural. Tambe ta komprondé bou di disiplina kultural entre otro: arte plástiko, fotografia, diseño, kultura digital, arkitektura, moda, artenan di riba tarima, literatura, pelíkula i dokumental.
Kuantu?
E kontribushon ta dependé di e suma di e presupuesto total di e proyekto:
- Un kontribushon fiho di € 12.500 pa un proyekto ku un presupuesto di € 15.000 te € 60.000.
- Un kontribushon fiho di € 50.000 pa un proyekto ku un presupuesto di € 60.000 te € 500.000.
Pa mas informashon, lesa e splikashon riba e presupuesto pa Organisashon Interdisiplinario riba e página di areglonan di Mondriaan Fonds.
Kon i ki ora por hasi petishon?
E fecha final pa e promé ròndu di petishon ta: djaweps 1 di òktober 2026, promé ku 10or (ora di área karibense). Lo tin dos ròndu di petishon den 2027 i 2028.
Petishonnan pa e areglo Organisashon Interdisiplinario ta bai via di e sistema di petishon online di Mondriaan Fonds (outor prinsipal). Pa entregá un petishon bo tin mester di un kuenta di usuario na Mondrian Fonds. Aki bo por pidi e kuenta akí. Tene kuenta ku e petishon pa un kuenta ta dura algun dia di trabou.
Tene kuenta tambe ku un término di 3 luna pa trata e petishon despues di e fecha final di e ròndu di petishon. No por a kuminsá e proyekto kaba. No por otorgá un kontribushon ku forsa retroaktivo.
Ta bon pa sa
E areglo akí a originá for di un kolaborashon di 6 fondonan di reino pa kultura. Mondriaan Fonds ta e outor prinsipal di e areglo.
Desafortunadamente, pa motibu di e presupuesto limitá no ta tur ora por honra tur konsehonan positivo. Esei ta nifiká ku por sosodé ku un petishon ta keda evaluá positivamente, pero desafortunadamente no ta risibí un kontribushon.
Nota: Tene kuenta ku petishonnan i resultadonan por keda kompartí ku otro fondonan di reino pa kultura, ku e propósito di verifiká finansiamentu dòbel i investigá e funshonamentu di e areglo.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Mondriaan Fonds. E informashon akí ta disponibel na hulandes i ingles.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.
